ВЭБ.РФ дәүләт корпорациясе Татарстанда сәнәгать паркына инфраструктура төзүне финанслаячак

Татарстан Республикасының Менделеевск шәһәрендәге «Менделеевск 2.0» сәнәгать паркы өчен кирәкле инженерлык һәм транспорт инфраструктурасы төзеләчәк, аңа ким дигәндә 5 производство тоташачак. Бу максатларга ВЭБ.РФ 440 млн.сумнан артык акча бүлеп бирәчәк, ә инфраструктура объектының гомуми бәясе 870 млн.сумнан артып китәчәк.

ВЭБ.РФ ярдәме белән сәнәгать паркы өчен электр, газ, су белән тәэмин итү, су чыгару, автомобиль юлы һәм элемтә челтәрләре төзеләчәк. Инфраструктура объектларыннан яшелчә һәм җиләк-җимеш эшкәртү, бетон, юл коймалары һәм катыргы продукциясе җитештерү буенча предприятиеләр, шулай ук нефть чыгару компанияләре өчен продукция чыгару буенча предприятие файдалана алачак. 

Биш инвестицион проектны гамәлгә ашыру нәтиҗәләре буенча Татарстан икътисадына 1 млрд сумга якын шәхси инвестиция җәлеп ителәчәк һәм 200гә якын эш урыны булдырылачак.