Алжирдагы халыкара күргәзмәдә Татарстан технология компаниясе үз чишелешләрен тәкъдим итте
Ноябрь аенда Алжирда «Napec 2023» нефть һәм газ сәнәгате халыкара күргәзмәсе узды. «Кече һәм урта эшкуарлык» илкүләм проектын гамәлгә ашыру нәтиҗәсендә Татарстан җитештерүчесе скважиналарны бораулау һәм ремонтлау параметрларын контрольдә тоту системасын бушлай күрсәтте.
Халыкара күргәзмә ватан һәм чит ил чимал җитештерүчеләренең иң яхшы казанышларын һәм тәҗрибәсен тәкъдим итү өчен традицион мәйданчык булды. Агымдагы елда катнашучыларның берсе – «Петролайн-А» ФҖБ республика компаниясе. Җитештерүче нефть һәм газ чыгару сәнәгате өчен контроль-үлчәү приборлары һәм программа тәэминаты эшләү һәм җитештерү буенча махсуслаша.
КУЭ илкүләм проекты кысаларында Экспортка ярдәм итү үзәге ярдәмендә компания Алжирга ДЭЛ-150 скважиналарын бораулау һәм ремонтлау параметрларын контрольдә тоту системасын алып килә. Система барлык төр бораулау эшләрен үткәргәндә, скважиналарны капиталь һәм җир астыннан ремонтлауда, нефть һәм газ сәнәгатендә уртача һәм салкын климатлы районнарда бораулау һәм ремонтлау җайланмаларында геологик разведка бораулауда технологик операцияләр параметрларын контрольдә тоту өчен билгеләнгән.
Экспортка ярдәм итү үзәге җитештерүче өчен шәхси күргәзмә стенды оештырды.
Халыкара һәм ватан күргәзмәләрендә бизнес өчен бушлай катнашу «Кече һәм урта эшкуарлык» илкүләм проекты ярдәмендә мөмкин булды һәм төзелешкә, күргәзмә мәйданын һәм өстәмә җиһазларны арендалауга, тәрҗемәчеләр эшен оештыруга, презентация материалларын чит телгә тәрҗемә итүгә һ.б. булган чыгымнарны түләү бурычын үз өстенә ала.
Исегезгә төшерәбез, чит ил базарларында эш алып баручы яки башларга планлаштыручы җитештерүчеләргә ярдәм «Минем бизнес» үзәге һәм Экспортка ярдәм итү үзәге тарафыннан башкарыла. Экспорт эшчәнлеге өлкәсендәге хезмәтләрне шулай ук «Халыкара кооперация һәм экспорт» илкүләм проекты буенча эшләнгән «Минем экспорт» цифрлы платформасында онлайн алырга мөмкин.
Эшкуарларга ярдәм итүнең актуаль чаралары турында мәгълүматны Татарстан Республикасында «Минем бизнес» үзәгенең кайнар линия номеры буенча алырга мөмкин: 8 (843) 524-90-90.