Казанда элемтәләрне киңәйтү өчен эшкуарлык очрашулары дәвам итә

22 ноябрьдә ТР Эшкуарлыкка ярдәм фондының «Минем бизнес» үзәге мәйданчыгында мастермайнд сессиясе узачак. Чара катнашучыларның сорауларына кире элемтә аша бизнес-мәсьәләләрне хәл итүнең төркем технологиясен үз эченә ала. Бизнес-сессия 6-10 кешелек төркемнәрдә узачак, дәвамлылыгы – 1,5-2 сәгать.

Сессиянең төп блоклары:

• Төркем эчендә бизнес бурычларын тикшерү

• Тәҗрибә уртаклашу

• Бизнес-мәсьәләләрне хәл итү идеяләрен һәм алымнарын формалаштыру

• Яңа элемтәләр

Катнашу бушлай, МСП.РФ цифрлы платформасында «Региональ ярдәм чаралары» бүлегендә теркәлергә кирәк.

Эшкуарлык берләшмәсе вәкилләрен 22 ноябрьдә 10.00 сәгатьтә Казан шәһәре, Петербург урамы, 28 йорт, 3 кат адресы буенча көтәләр.

Тематик бушлай чаралар «Кече һәм урта эшкуарлык» илкүләм проектын тормышка ашыру кысаларында ТР Эшкуарлыкка ярдәм фондының «Минем бизнес» үзәгендә даими нигездә үткәрелә.

Чара һәм башка укыту чаралары турында тулырак мәгълүматны сайтта, шулай ук «Минем бизнес» үзәгенең кайнар линиясе телефоны аша 8(843)524-90-90 белергә мөмкин.