400 татарстанлы маркетплейсларда алга этәрү буенча форум-марафонда катнашкан
16 октябрьдән 30 октябрьгә кадәр ике атна дәвамында 400 татарстанлы бушлай укыту марафоны кысаларында электрон сәүдә мәйданчыкларында сатуны арттыру инструментларын өйрәнгән. Онлайн-укыту «Кече һәм урта эшкуарлык» илкүләм проекты кысаларында ТР Икътисад министрлыгы ярдәме белән «Минем бизнес» үзәге тарафыннан гамәлгә ашырыла.
«Минем бизнес» үзәгеннән бушлай укыту барышында эшкуарлар, үзмәшгульләр һәм маркетплейсларда эш башларга ниятләүчеләр SEO-товар карточкаларын оптимальләштерү, яңа сатып алучыларны җәлеп итү өчен реклама инструментлары, сату статистикасын анализлау кебек темаларны җентекләп өйрәнгән. Белемнәрен ныгыту өчен, экспертлар реаль мисаллар нигезендә товар карточкаларына анализ үткәреп, хаталарны тикшергәннәр.
«PRO_Яндекс Маркет» бушлай укыту форум-марафоны Россиянең әйдәп баручы маркетплейсларында Татарстан эшкуарлары продукциясен алга сөрү буенча «PRO_Маркетплейс» сериясендәге дүрт планлаштырылган марафонның өченчесе булды. Серияне тәмамлаучы «PRO_KazanExpress» марафоны 13-27 ноябрьдә узачак.
«Ай саен Россиянең әйдәп баручы маркетплейсларында сәүдә итүче эшкуарлар һәм үзмәшгульләр саны арта бара. Шуңа күрә табыш үсеше күп очракта үз товарларын рекламалау һәм рекламалау коралларын дөрес куллануга, шулай ук сату статистикасын һәм трендларын анализлау осталыгына бәйле. «PRO_Маркетплейс» форум-марафоннарының яңа сериясе нәкъ менә шушы белемнәрне үзләштерүгә юнәлдерелгән», – дип билгеләп үтте Татарстан Республикасы икътисад министрының беренче урынбасары – Эшкуарлыкны үстерү департаменты директоры Наталья Кондратова.
Катнашу өчен гаризаны МСП.РФ цифрлы платформасында бирергә мөмкин. Беренче ике форумда 1000гә якын кече һәм урта бизнес вәкилләре катнашкан.