Татарстан компаниясе 2023 елда матурлык индустриясенең төп күргәзмәсендә катнашачак

25-28 октябрьдә Мәскәүдә матурлык индустриясе вәкилләре, дистрибьюторлар һәм җитештерүчеләр өчен елның төп вакыйгасы – InterCHARM Парфюмер-косметика тармагының 30 нчы Халыкара күргәзмәсе узачак. 

Күргәзмәне Россия төбәкләреннән һәм дус илләрдән 1180 артык парфюмер-косметика компаниясе, шул исәптән Татарстан Республикасы Эшкуарлыкка ярдәм фонды Казаннан натураль косметика бренды Олеся Мустава остаханәсен тәкъдим итәчәк. 

Парфюмерия-косметика тармагының халыкара күргәзмәсе – илнең төп биюти-вакыйгасы, 1994 елдан бирле уза.

Күргәзмә Россия җитештерүчеләренә сату бурычларын гына түгел (бөтен Россия буенча һәм чит илләрдә дистрибьюторлар һәм ваклап сату вәкилләре белән килешүләр төзү), ә тәэмин итү мәсьәләләрен дә хәл итәргә – яңа продуктлар булдыру өчен җиһазлар, чимал һәм төргәкләр белән тәэмин итүчеләр белән мөнәсәбәтләр төзергә, шулай ук киң аудитория арасында үз брендлары турында хәбәрдарлыкны арттырырга мөмкинлек бирәчәк. 

Күргәзмә РФ Сәнәгать һәм сәүдә министрлыгы, «Илкүләм өстенлекләр» АКО, Россия Парфюмер-косметика ассоциациясе (РПКА), Парфюмерия, косметика һәм көнкүреш химиясе буенча илкүләм совет ярдәме белән үткәрелә.