Татарстан Республикасында халыкара күргәзмәләрдә катнашуны финанслауга гаризалар кабул ителә

«Кече һәм урта эшкуарлык» илкүләм проектын гамәлгә ашыру кысаларында Татарстан Республикасы Икътисад министрлыгы ярдәме белән Экспортка ярдәм итү үзәге Татарстан эшкуарларының дус илләрдәге халыкара күргәзмәләрдә катнашуын финанслауга гаризалар кабул итүен дәвам итә.

Хәзер Россиядә һәм дустанә илләрдә 2023 елда узачак 5 күргәзмәдә катнашу өчен гариза бирергә мөмкин. Болар:

1. 28 нче «Төзелеш»  Әзербайҗан халыкара күргәзмәсе (Әзербайҗан, Баку). 2023 елның 19-21 октябрендә узачак.
2. Химия сәнәгате һәм фәненең 26 нчы халыкара күргәзмәсе (Россия, Мәскәү). 2023 елның 30 октябреннән 2 ноябренә кадәр узачак.
3. 3 нче Әзербайҗан халыкара медицина инновацияләре күргәзмәсе (Әзербайҗан, Баку). 2023 елның 2-4 ноябрендә узачак.
4. Plast Eurasia Istanbul 2023 (Төркия, Истанбул). 2023 елның 22-25 ноябрендә узачак.
5. 32 нче «Медицина техникасы, медицина билгеләнешендәге эшләнмәләр һәм чыгым материаллары» халыкара күргәзмәсе (Россия, Мәскәү). 2023 елның 4-8 декабрендә узачак.

Татарстан Республикасыннан экспортлаучы җитештерүчеләр өчен катнашу түләүсез нигездә уза. Экспортка ярдәм итү үзәге күргәзмә мәйданын арендалау, стенд төзү, өстәмә җиһазлар арендалау, тәрҗемәче эшен оештыру (чит ил күргәзмәләре), трансфер (чит ил күргәзмәләре), презентация материалларын чит телгә тәрҗемә итү, күргәзмә үрнәкләрен китерү (чит ил күргәзмәләре), шулай ук теркәү кертемнәре өчен чыгымнарны үз өстенә ала. Катнашучылар вәкиллек чыгымнарын гына түләячәк.

Гаризалар МСП.РФ цифрлы платформасы аша кабул ителә.

Исегезгә төшерәбез, чит ил базарларында эш башларга теләүче яки планлаштыручы җитештерүчеләргә ярдәмне «Кече һәм урта эшкуарлык» илкүләм проектын гамәлгә ашыру кысаларында «Минем бизнес»үзәге һәм Татарстан Республикасы Икътисад министрлыгы ярдәме белән Экспортка ярдәм итү үзәге гамәлгә ашыра. Хезмәтләрне «Халыкара кооперация һәм экспорт» илкүләм проекты буенча эшләнгән «Минем экспорт» цифрлы платформасында алырга мөмкин.