Татарстанда хатын-кызлар эшкуарлыгын үстерү программасы старт алды
Быел «Кече һәм урта эшкуарлык» илкүләм проекты кысаларында гамәлгә ашырыла торган «Эшкуар әни» белем бирү программасында катнашу өчен Татарстан хатын-кызлары 100дән артык гариза биргән, эксперт комиссиясе шулар арасыннан алга таба катнаштыру өчен 35сен сайлап алган.
18 сентябрьдә Казанның «Минем бизнес» үзәгендә хатын-кызлар өчен «Эшкуар әни» федераль белем бирү программасының биш көнлек тренингы башланды. Быел катнашу өчен 115 гариза бирелгән, шулардан экспертлар гамәлгә ашыру өчен иң перспективалы 35 проектны сайлап алган.
Татарстан эшкуарлары һәм бизнес-өлкә экспертлары катнашындагы сайлап алу комиссиясе вәкилләре программаны гамәлгә ашыруның алдагы елларына караганда гаризалар күпкә күбрәк булуын билгеләп үттеләр.
«Эшкуар әни» программасында катнашучыларны тантаналы ачылышта Линара Борһанова,Татарстан Республикасы Эшкуарлыкка ярдәм фонды генераль директорының беренче урынбасары – «Минем бизнес» үзәге җитәкчесе сәламләде.
«Сезне укуның башлануы белән котлыйм. Экспертлар һәм остазлар белән бергә 5 көнгә эшлекле мохиткә чумачаксыз, аларның социаль әһәмиятен һәм икътисадый нигезләмәсен, проектлар презентациясен исәпкә алып, оригиналь бизнес-планнар эшләү белән шөгыльләнәчәксез. Сезгә уңышлар һәм җиңүләр телим», – дип теләде катнашучыларга Линара Борһанова.
Белем бирү курсы лекцияләрне, практик күнегүләрне, остазлар катнашындагы бизнес-экскурсияләрне ала. 22 сентябрьдә узачак программа финалында әниләр үзләренең бизнес-проектын экспертлар жюриена тәкъдим итәчәкләр, алар җиңүчене билгеләячәк.
Җиңүче үз эшен үстерүгә 100 мең сум күләмендә грант алачак. Программада катнашучыларның барысы да проект партнерларыннан бүләкләр булачак.
Чара Татарстан Республикасының «Минем бизнес» үзәге тарафыннан 3 ел рәттән РФ Президенты инициативасы белән оештырылган «Кече һәм урта эшкуарлык һәм шәхси эшкуарлык инициативасына ярдәм» илкүләм проекты ярдәмендә үткәрелә.
Оештыручы булып Россия Икътисадый үсеш министрлыгы «Безнең киләчәк» фонды, КУЭ корпорациясе һәм Россия хатын-кызлар берлеге белән берлектә тора.