Татарстанның Нурлат районында эшкуарлар өчен семинар уздырылды

Татарстанның Нурлат районы эшкуарлары бизнес өчен ярдәм чараларына багышланган семинарда катнаштылар. Чара «Кече һәм урта эшкуарлык» илкүләм проекты буенча оештырылды.

Татарстан Республикасы Икътисад министрлыгы карамагындагы Эшкуарлыкка ярдәм итү фондының Экспортка ярдәм итү үзәгенең эшкуарлар белән эшләү бүлеге башлыгы Айрат Вәлиев һәм «Минем бизнес» үзәгенең төбәк вәкиле Мансур Якупов «Кече һәм урта эшкуарлык» илкүләм проектын гамәлгә ашыру кысаларында Нурлат районында эшкуарлар җәмәгатьчелеге белән семинар үткәрделәр. Эшкуарлар очрашу кысаларында федераль һәм региональ дәрәҗәдә күрсәтелә торган ярдәм чаралары турында җентекләп ишетергә һәм барлык кызыксындырган сорауларны бирү мөмкинлеген алдылар.

Нурлат районы бизнесменнарына, күпчелек хезмәтләр бушлай күрсәтелә ала, дип сөйләделәр. Алар арасында экспорт контрактын озата бару, чит ил электрон маркетплейсларында урнаштыру, халыкара күргәзмәләрдә катнашуны оештыру һәм башка күп нәрсәләр күрсәтелгән. Шулай ук бизнесменнар экспорт тематикасы буенча онлайн-вебинарларда бушлай катнаша ала.

Шул ук вакытта ярдәм чараларының бер өлеше финанслау шартларында гамәлгә ашырыла: Экспортка ярдәм итү үзәге халыкара сертификацияләүгә, маркетинг тикшеренүләре үткәрүгә, продукцияне экспортка җиткерүгә чыгымнарның 80% кадәр финанслый.  Мондый дәүләт хезмәтләрен алу өчен МСП.РФ цифрлы платформасында гариза бирергә кирәк. Барлык сораулар буенча 8 (843) 222-90-60 телефоны буенча консультация алырга мөмкин.

«Кече һәм урта эшкуарлык һәм шәхси эшкуарлык инициативасына ярдәм» илкүләм проектының максаты – аның үсешенең барлык этапларында: старт идеясеннән башлап, аны киңәйтү һәм экспортка чыгаруга кадәр – бизнеска ярдәм итү. РФ Президенты Владимир Путин инициативасы белән эшләнгән илкүләм проектлар 2019 елда башланып китте.