Казан эшкуарларына IT компания белән бизнесны ничек булдырырга кирәклеге турында сөйләячәкләр

Татарстан Республикасының Казан шәһәрендә агымдагы елның 20 сентябрендә «Кече һәм урта эшкуарлык» илкүләм проектын гамәлгә ашыру барышында  «IT компания белән бизнес булдырыгыз: һәркемгә дә ирешерлек юл» вебинары үткәреләчәк. 

Вебинар үз бизнесын ачарга теләгән, ләкин сату тәҗрибәсе булып һәм аны IT өлкәсендә кулланырга теләгән юнәлешне әле билгеләмәгән кешеләр өчен, шулай ук өстәмә табыш алырга һәм яңа өлкә табарга теләгән эшкуарлар өчен файдалы булачак.

Практик белгечләр IT-өлкәдә бизнесны ничек башларга икәнен: шәхси эшкуарны түләүсез теркәтүдән алып сатуларга чыгу турында сөйләячәкләр. Шулай ук катнашучылар IT компания белән партнерлык, базар потенциалы һәм гамәлдәге партнерларның практик тәҗрибәсе белән нинди мөмкинлекләр ачыла икәнен дә беләчәкләр.

Чара 20 сентябрьдә 13:30 сәгатьтә узачак. Чарада катнашу бушлай, катнашу өчен гаризаны МСП.РФ цифрлы платформасында, «Региональ ярдәм чаралары» бүлегендә, «Минем бизнес» үзәге үткәргән укыту чараларына язылу» хезмәтен сайлап бирергә була.

Исегезгә төшерәбез, барлык укыту программалары «Кече һәм урта эшкуарлык» илкүләм проекты кысаларында Татарстан Республикасы Икътисад министрлыгы һәм «Минем бизнес» үзәге тарафыннан тормышка ашырыла.