ТР Икътисад министрлыгы социаль һәм яшь эшкуарларга 25 яшькә кадәр грантлар бирү буенча конкурс уздыру турында игълан итә

Татарстан Республикасы Икътисад министрлыгы (алга таба - вәкаләтле орган) социаль эшкуарлар реестрына кертелгән кече һәм урта эшкуарлык субъектларына һәм (яисә) 25 яшькә кадәрге физик затлар тарафыннан төзелгән кече һәм урта эшкуарлык субъектларына Татарстан Республикасы бюджетыннан субсидияләр рәвешендә грантлар бирү буенча конкурс үткәрү турында игълан итә.

Конкурс Татарстан Республикасы Министрлар Кабинетының «Социаль эшкуарлар реестрына кертелгән кече һәм урта эшкуарлык субъектларына һәм (яисә) 25 яшькә кадәрге физик затлар тарафыннан төзелгән кече һәм урта эшкуарлык субъектларына субсидияләр рәвешендә грантлар бирү тәртибен раслау турында» 12.10.2021 ел, №971 карары (алга таба - Тәртип) нигезендә уздырыла.

Заявкалар Татарстан Республикасы Икътисад министрлыгы тарафыннан 2023 елның 24 августыннан 22 сентябренә кадәр эш көннәрендә кабул ителә (дүшәмбе-пәнҗешәмбе 9:00 башлап 18:00 сәгатькә кадәр, җомга 9:00 башлап 17:00 кадәр, төшке аш тәнәфесе 12:00 башлап 12:48 кадәр), түбәндәге адрес буенча: Казан шәһәре, Петербург ур., 28 йорт, 3 кат.

Гариза бирүгә алдан «Татарстан Республикасы дәүләт хезмәте» сайтында (https://uslugi.tatarstan.ru/e-service/equeue/mfc/identity/) язылырга мөмкин.

Тулырак белешмәләрне сылтама буенча  белергә мөмкин.