Татарстан бизнесны дистанцион тикшерү сервисын гамәлгә кертү өчен пилот төбәк булды

Россия Цифрлы үсеш, элемтә һәм массакүләм коммуникацияләр министрлыгы Россия Икътисади үсеш министрлыгы белән берлектә, пилот кысаларында, бизнесны дистанцион тикшерү өчен яңа технология башлап җибәрә. Карарны тәкъдир итү Калугада узган «Цифрлы эволюция» Бөтенроссия форумында узды. Пилот проектында катнашучы беренче төбәкләрнең берсе Татарстан булды.

Лицензияләгәндә дистанцион тикшерүләр өчен карар – контроль һәм күзәтчелек өлкәсендә цифрлы корал.

Бу ничек эшли:

1. Бизнес хуҗасы рөхсәт документларын (лицензияне) алу өчен Дәүләт хезмәтләрендә гариза бирә.

2. Порталдан гариза ТОР КНД системасына керә һәм инспектор тарафыннан эшкәртелә.

3. Инспектор гариза бирүчегә Дәүләт хезмәтләренә кирәкле таләпләрнең үтәлешен тикшерү датасы һәм вакыты күрсәтелгән хәбәрнамә юллый.

4. Гариза бирүче «Инспектор» мобиль кушымтасын (аңа сылтама Дәүләт хезмәтләренә хәбәрнамә белән бергә килә) күчереп ала һәм билгеләнгән вакытта кушымта аша видеоконференцэлемтә буенча дистанцион тикшерүгә тоташа.

5. Тикшерүдән соң нәтиҗәләр гариза бирүченең Дәүләт хезмәтләрендәге шәхси кабинетына киләчәк.

Дистанцион тикшерүләрне сентябрьдән федераль ведомстволар катнашында сынап карау планлаштырыла:

- Росздравнадзор,

- Росалкогольрегулирование,

- Росаккредитация,

- Росприроднадзор,

- Россельхознадзор,

2 субъектта төбәк ведомстволары катнашында:

 Киров өлкәсе,

- Татарстан Республикасы.

Яңа механизм профильле органнарның күчмә тикшерүләргә вакытын янга калдырырга мөмкинлек бирәчәк, бизнес өчен лицензияләр алуны уңайлырак һәм үтә күренмәле итә.