КУЭ Корпорациясендә кече һәм урта бизнес өчен яңа кредит программалары шартларын аңлаттылар
КУЭ Корпорациясендә эшкуарларга кредит бирүнең яңа ташламалы программалары шартларын аңлаттылар. Хәзерге вакытта өч программа эшли, алар буенча ставкалар Үзәк банкның төп ставкасының үзгәрүенә бәйле булмаячак.
КУЭ Корпорациясе һәм РФ ҮБ ның «ПСК Антикризисная» бизнесны кредитлауны стимуллаштыру программасы. Ул эшкуарларга еллык 8,5 % ка кадәр ставка буенча әйләнеш һәм инвестиция максатларына кредит бирүне һәм рефинанслауны күздә тота. Программаның лимиты – 2022 елның март ахырына кадәр 60 млрд сум. Анда барлык аккредитацияләнгән банклар, шул исәптән системалы мөһим кредит оешмалары (СЗКО) катнаша, тулы исемлек КУЭ Корпорациясе сайтында. Хөкүмәтнең 1513 номерлы карары нигезендә Программадан зыян күргән тармаклар исемлегеннән кече һәм урта бизнес файдалана ала. Ул инде эшли башлады, эшкуарлар банкларга мөрәҗәгать итә алалар.
«ПСК Инвестиционная» Программасы шулай ук КУЭ Корпорациясе һәм РФ ҮБ тарафыннан гамәлгә ашырыла. Ул 16 марттан эшли башлаячак, кече һәм урта бизнес урта бизнес өчен — 13,5 % ка кадәр, кече һәм микробизнес өчен — 15 % ка кадәр ставка белән кредит ала алачак. Программаның лимиты – 335 млрд сум. Кредит максатларына килгәндә, системалы мөһим банкларда бары тик инвестиция максатларына гына кредит алырга мөмкин, калганнарында — инвестиция максатларына да, әйләнешкә дә. КУЭ Корпорациясе тарафыннан аккредитацияләнгән барлык банклар да катнаша, тулы исемлек КУЭ Корпорациясе сайтында.
«ПСК «Оборотная» Программасы Ул Россия Банкы тарафыннан гамәлгә ашырыла. Аның шартлары буенча, банклар турыдан-туры РФ Үзәк банкы белән эшләячәк. Программаның лимиты – 340 млрд сум, ставкалар: урта бизнес өчен – 13,5 % ка кадәр, калган предприятиеләр өчен — 15 % ка кадәр. Программа банклар һәм РФ ҮБ арасындагы шартнамәләргә кул куелганнан соң эшли башлаячак.
«Банклар белән хезмәттәшлек буенча килеп туган теләсә нинди сорауларны безнең «Сервис 360» аша бирергә мөмкин. Без, мөмкин кадәр тизрәк ачыкларга һәм эшкуарларга ярдәм итәргә мөмкин булсын өчен, белгечләр санын арттырдык», — диде КУЭ Корпорациясе генераль директоры Александр Исаевич.
Билгеләп үтәбез, ташламалы кредит алу өчен, кече яки урта предприятие КУЭ субъектлары реестрына кертелергә һәм эре бизнес вәкилләре белән бәйле булмаска тиеш. Кече һәм микропредприятиеләр өчен әйләнеш максатларына лимит — 300 млн сумга кадәр, урта бизнес өчен 1 млрд сумга кадәр тәшкил итә. Барлык эшкуарлар өчен инвестиция максатларына кредит суммасы 1 млрд сумга кадәр тәшкил итә.