Мидхәт Шаһиәхмәтов уйлап табучыларны һәм рационализаторларны һөнәри бәйрәмнәре белән котлады
Июнь аеның соңгы шимбәсендә Уйлап табучылар һәм рационализаторлар көне билгеләп үтелә.
ТР икътисад министры Мидхәт Шаһиәхмәтов уйлап табучыларны һөнәри бәйрәмнәре белән котлады.
Хөрмәтле уйлап табучылар һәм рационализаторлар!
Татарстан Республикасы Икътисад министрлыгы исеменнән һәм шәхсән үземнән безнең инженерларны, инноваторларны, икътисадның төрле тармакларындагы иҗади фикер йөртүче белгечләрне һөнәри бәйрәмнәре – уйлап табучылар һәм рационализаторлар көне белән котлыйм!
Икътисад үсеше шактый кимәлдә фәнни-техник прогресс дәрәҗәсенә бәйле, техник иҗат, уйлап табу һәм рациональләштерү андагы рычагларның берсе булып тора.
Татарстан Республикасы уйлап табу өлкәсендә алдынгы позицияләрне били. Күренекле ватандашларыбызның хезмәтләрен республиканың алдынгы уку йортларында һәм предприятиеләрендә дәвам иттерәләр. Рационализаторлык һәм уйлап табу хәрәкәте күп еллар дәвамында һөнәри берләшмәне берләштерергә, перспективалы проектларны һәм алдынгы идеяләрне тормышка ашырырга һәм яшьләрне технологик иҗатка җәлеп итәргә ярдәм итә.
Икътисадның стратегик бурычларын хәл итүгә, илебез һәм халыкара базарларда конкурентлыкка сәләтле яңа югары технологияле производстволар булдыруга һәм гражданнарыбызның тормыш дәрәҗәсен күтәрүгә юнәлдерелгән иҗади хезмәтегез өчен зур рәхмәт белдерәм.
Хөрмәтле уйлап табучылар һәм рационализаторлар, иҗади идеяләрне тормышка ашыруда яңа казанышлар һәм уңышлар, нык сәламәтлек, сезгә, туганнарыгызга һәм якыннарыгызга бәхет һәм иминлек насыйп булсын.