Беренче үзмәшгуль биржа мәйданчыгында контракт төзеде
3 нче июльдә салым түләүче Алексей Белов һәм Татарстан Республикасы Икътисад министрлыгы арасында профессиональ керемгә алюминий профильеннән табличкалар ясау һәм монтажлау буенча контракт имзаланды.
Тәэмин итүче Татарстан Республикасы Дәүләт заказы агентлыгы биржа мәйданчыгындагы торглар нәтиҗәләре буенча сайланды. Контракт суммасы 43 860 сум тәшкил итте. 2 атна дәвамында Алексей Белов контракт шартларын үтәргә тиеш.
«Бу биржа мәйданчыгында үзмәшгуль граждан тарафыннан төзелгән беренче контракт, һәм без биржа мәйданчыгында үз хезмәтләрен тәкъдим итәргә әзер булган потенциаль заказчыларга да, фрилансерларга да үз тәҗрибәбездә үрнәк күрсәтергә шатбыз, - дип ассызыклады Татарстан Республикасы икътисад министры Фәрит Габделганиев. - Үзмәшгульләр өчен махсус ресурс биржа мәйданчыгында 2019 елның апрелендә булдырылды. Анда теркәлү үзмәшгульләргә җайга салынулы заказчылар өчен товарлар, эшләр һәм хезмәт күрсәтүләрнең гарантияле базарына керү мөмкинлеге бирә. Ярдәмгә без биржа мәйданчыгында эшләр башкару, хезмәтләр күрсәтү һәм үзләре җитештергән товарлар белән тәэмин итү буенча барлык тәкъдимнәр күрсәтелгән «үзмәшгульләр өчен тәкъдимнәр» дигән махсус бүлек булдырдык».
Алексей Белов 2019 елның мартында рәсми рәвештә үзмәшгуль булды. Ул реклама өлкәсендә инженер-конструктор булып эшли, һәм аның өчен табличкалар ясау – өстәмә эш: «Мин гимнастика буенча тренировкага улымны йөртәм, анда без тренер белән ШЭ теркәргә яки үзмәшгуль булу теләге турында сөйләштек. Мин яңа салым режимы турында укыдым, бу миңа бик кызыклы тоелды». Биржа мәйданчыгында эшләү, аның сүзләренчә, шактый гади. «Мин мәсьәләне өйрәндем, Эшкуар йортына барып, лекцияләр тыңладым", - дип сөйләде ул.
Бүген Татарстанда 17 мең үзмәшгуль граждан теркәлгән.
Яңа салым режимы үзмәшгуль гражданнарга салым түләүдә льготалы шартлар тудырып, аларны салым һәм бухгалтерлык хисапнамәсе тапшыру белән керемнәр һәм чыгымнар китабын алып бару зарурлыгыннан азат итеп күләгәдән чыгарга мөмкинлек бирде. Салым режимы теркәүнең гади һәм аңлаешлы системасын һәм салым исәбенә куюны, заказчылар белән эшләүне, исәпләнгән салымнарны түләүне һәм салым инспекциясе белән үзара бәйләнешне күздә тота.
Үзмәшгуль гражданнар белән эшләүче эшкуарлар хисап бирү һәм алар буенча НДФЛ түләү зарурлыгыннан азат ителә. Алар үзмәшгульләрнең формаланган чекларын үз чыгымнарында күздә тота ала. Шулай ук, хокукый кырдан тыш төзелгән тиңдәш килешү очрагынан аермалы буларак әлеге салым режимы кысаларында килешү үзе дә, башкаручы һәм заказ бирүче мәнфәгатьләре дә якланган. Яңа салым режимыннан ел дәвамында арта барган нәтиҗә белән 2,4 млн сумнан артмаган физик зат һәм шәхси эшмәкәр файдалана ала.
Күпләр өчен үзмәшгуль статусы – яхшы старт, шулай ук хокук кырына чыгу һәм законсыз эшмәкәрлек эшчәнлеге өчен штраф алу куркынычы тудырмаган керем мөмкинлеге. Керемнәренең легальләшүе, керемнәре турында белешмә формалашуы түли алучылык статусын исбатларга мөмкинлек биреп торакка, укуга һәм башка күп кенә әйбергә кредит алырга ярдәм итәчәк.