Татарстан бизнесы Рәсәй Федерациясенең иң эре сәүдә челтәре белән сатып алу сессиясендә катнашырга мөмкин

Казанда 2 июльдә Кече һәм урта бизнес исәбеннән Идел буе федераль округының ваклап сату товарлары җитештерүчеләре өчен төбәк конференциясе һәм сатып алу сессиясе узачак.

Чараны “Нәтиҗәле һәм конкурентлы икътисад” милли проекты буенча КУЭ Корпорациясе Metro сәүдә челтәре белән берлектә оештыра.

Вакыйгада эшмәкәрләр сәүдә челтәре белән хезмәттәшлек шартлары һәм тәэмин итүчеләргә таләпләр турында белә алачак. Сәүдә-сатып алу сессиясе барышында катнашучыларның үз продуктларын турыдан-туры сәүдә челтәренең категорияле менеджерына тәкъдим итү һәм элемтәләр алмашу мөмкинлеге булачак.

Очрашу кысаларында КУЭ Корпорациясе вәкилләре бизнеска ярдәм итүнең актуаль чаралары, шул исәптән сату базарларын киңәйтү турында сөйләячәк. Шулай ук эшмәкәрләр бизнес алып бару мәсьәләләре буенча консультация ала алачак.

Үткәрү урыны: Татарстан Республикасы Сәүдә-сәнәгать палатасы (Казан ш.,
Пушкин ур., 18). Башлана 09:30.

Катнашу өчен сылтама буенча теркәлү кирәк.

Республика бизнесына ярдәм итү чаралары турында Бердәм контакт-үзәк номеры 8 (843) 524-90-90 буенча белергә мөмкин.