Татарстан фән өлкәсендә эшмәкәрләр саны буенча лидерлар рәтендә
Татарстанда фән өлкәсендә эшчәнлек алып баручы кече һәм урта эшмәкәрлек субъектларының гомуми саны 850 дән артык. Бу Рәсәйдә мондый КУЭ гомуми санының 4% ы һәм ил буенча өченче нәтиҗә.
Фәнни КУЭ саны буенча беренче ике урынны Мәскәү (30% тан артык) һәм Санкт-Петербург (10%) алып тора. Мәскәү өлкәсе Татарстан белән өченче позицияне бүлеште.
Рәсәйдә 24 меңнән артык фәнни предприятие исәпләнә, аларның уртача яше тулаем алганда кече һәм урта эшмәкәрлек сегментына караганда югарырак һәм 9 елдан артып китә. Татарстанда ул 8 ел тәшкил итә, шул ук вакытта Рәсәй секторы буенча уртача 7,5 ел.
Исегезгә төшерәбез, Татарстанда фәнни КУЭ өчен финанс һәм финанс булмаган ярдәм чаралары комплексы эшли. Алар арасында - ташламалы займнар, гарантияле ярдәм, җиһазларның ташламалы лизингы. Шулай ук республикада фундаменталь һәм гамәли тикшеренүләр өчен грантларга конкурс сайлап алулары уздырыла.
Икътисад министрлыгы карамагындагы “ТР Эшмәкәрлекне яклау фонды” ХКК сертификацияләү өчен түләүдә, күргәзмәләрдә катнашуда (коллектив стенд кысаларында), фирма стилен, маркетинг материалларын һәм позицияләү стратегияләрен эшләүдә булыша. Фонд чыгымнарның бер өлешен финанслый (мәсәлән, 70%, ләкин сертификация өчен 500 мең сумнан артык түгел, яки 90%, ләкин брендинг өчен 400 мең сумнан артык түгел), шул ук вакытта компания калган өлешен үзе түли.
Моннан тыш, грант ярдәмен еш кына федераль инструментлар тулыландыра. Мәсәлән, фәнни-техник өлкәдә предприятиеләрнең кече формаларын үстерүгә ярдәм итү фонды “УМНИК” (яшь галимнәр һәм аларның эшләнмәләре өчен) программаларын һәм башкаларны гамәлгә ашыра.
Шулай ук “Минем бизнес” төбәк үзәгендә укулар узарга, эшләнмәләрне коммерцияләштерү һәм интеллектуаль милекне яклау буенча консультацияләр алырга мөмкин.
Татарстанның фәнни бизнесына Татарстан Республикасы Икътисад министрлыгы һәм аның ведомство буйсынуындагы оешмалар “Нәтиҗәле һәм конкурентлы икътисад” милли проекты буенча ярдәм күрсәтә.
Республика бизнесына ярдәм итү чаралары турында Бердәм контакт-үзәк номеры буенча 8 (843) 524-90-90 һәм ведомствосайтыннанбелергә мөмкин.