2018 елда Татарстан тулай төбәк продукты 2,44 трлн сум тәшкил итте
Татарстанстат бәяләгәнчә, 2018 елда республиканың тулаем төбәк продукты 2,44 трлн сум тәшкил иткән. 2017 ел дәрәҗәсенә карата чагыштырма бәяләрдә үсеш темпы 101,5% булган.
Икътисадый динамикага төп уңай өлешне сәнәгать керткән. Сәнәгый җитештерү индексы 2017 ел дәрәҗәсенә карата 102,0% тәшкил иткән.
Файдалы казылмалар табуда җитештерү индексы 2017 ел дәрәҗәсенә карата - 102,1%, эшкәртү сәнәгатендә - 100,3%, электр энергиясе, газ, пар белән тәэмин итүдә; һаваны кондицияләүдә - 120,8%, су белән тәэмин итүдә; су бүлүдә, калдыкларны җыю һәм утильләштерүдә, пычратуларны бетерү буенча эшчәнлектә 107,6% булган.
Икътисадый үсешнең тагын бер факторы - сәүдә секторы. Ваклап сату әйләнеше темпы үсеше узган елга карата чагыштырма бәяләрдә - 106,1%, күпләп сатуда 103,2% тәшкил иткән.
ТР Икътисад министрлыгы матбугат хезмәте