ЯҢАЛЫКЛАР
Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов рәислегендә министрлыклар, ведомстволар, федераль хакимият органнарының территориаль органнары, кече һәм урта бизнеска ярдәм итү оешмалары, муниципаль берәмлекләр вәкилләре катнашында ВКС режимында эшче төркем утырышы узды.
Экспортка ярдәм итү үзәге Татарстан эшкуарлары өчен «Экспорт мәктәбе» Россия экспорт үзәге программасы кысаларында бушлай семинарлар сериясен дәвам итә.
«Минем бизнес» үзәге Татарстан Республикасы Икътисад министрлыгы ярдәме белән «Кече һәм урта эшкуарлык» илкүләм проекты кысаларында Яндекста нәтиҗәле реклама кампаниясен көйләү буенча онлайн-белем бирү программасын башлап җибәрә. Курста катнашучылар эшне тиз арада башлап җибәрү өчен «Яндекс. Директ»та реклама кабинетын тулыландыру өчен 7 мең сумлык бушлай промокод алачак.
1 августта Чаллыда республиканың эре федераль компанияләренең сатуларында катнашырга теләүче эшкуарлары һәм үзмәшгульләре өчен гомуми семинар узачак.
2023 ел башыннан Татарстанда үзмәшгульләр саны 30,5 мең кешегә арткан. Үсеш республиканың барлык муниципаль берәмлекләрендә дә күзәтелә. Моңа «Кече һәм урта эшкуарлык» илкүләм проекты кысаларында күрсәтелә торган ярдәм чаралары ярдәм итә.
Экспортка ярдәм итү үзәге, ТР Икътисад министрлыгы ярдәмендә, яңа гына эшли башлаган һәм эшләп килүче экспортерлар өчен бушлай «Иран: экспорт мөмкинлекләре» онлайн-вебинар үткәрәчәк.
«Кече һәм урта эшкуарлык» илкүләм проекты Татарстан компанияләренең экспорт мөмкинлекләрен киңәйтә. Илкүләм проект кысаларында Экспортка ярдәм итү үзәге 2023 елда халыкара күргәзмәләрдә катнашу өчен гаризалар кабул итүне дәвам итә. Хәзер берьюлы 3 төрле юнәлештәге чарага гаризалар кабул ителә.
Иртәгә, 10:00 сәгатьтә Татарстан Республикасы Сәнәгать һәм сәүдә министрлыгы эшкуарлар өчен «Үзбәкстанда Россиянең Сәүдә вәкиле белән бер сәгать» темасына онлайн-вебинар үткәрәчәк.
22 июльдә «Иннополис» шәһәре технопаркында Президент академиясенең Җәйге кампусын ябу тантанасы узды. Анда Татарстан Республикасы Президенты Рөстәм Миңнеханов, Президент академиясе ректоры, «Россия – мөмкинлекләр иле» коммерцияле булмаган автоном оешмасы генераль директоры Алексей Комиссаров, шулай ук Президент академиясенең, Татарстан югары уку йортларының һәм Россия Федерациясенең яңа субъектларының 206 студенты, партнер илләрдән укучылар, шул исәптән Кыргызстан, Беларусь, Таҗикстан, Казахстан, Кытай, Үзбәкстан, Нигерия вәкилләре катнашты. Кампус спикерларының берсе Татарстан Республикасы Премьер-министры урынбасары – Татарстан Республикасы икътисад министры Мидхәт Шаһиәхмәтов булды.
ТР Икътисад министрлыгы, ТР Эшкуарлыкка ярдәм фондының «Минем бизнес» үзәге белән берлектә, Татарстан эшкуарлары продукциясен маркетплейсларда алга этәрү буенча «Pro_markетплейс» укыту форум-марафоннарының яңа сериясен башлап җибәрә. Беренче укыту марафоны 14 августтан узачак һәм Wildberries маркетплейсында пропагандалауга багышланачак.