ЯҢАЛЫКЛАР
2030 елга кадәр Татарстанны социаль-икътисад үстерү стратегиясенә үз башлангычын республиканың һәр кешесе кертә ала. Идеяләр рәсми сайтта кабул ителә: i.tatarstan2030.ru/ һәм "Татарстан – 2030" махсус мобиль кушымтасы аша.
Теләсә кайсы инициативага бәя биреп була. Аларның иң яхшылары Стратегия-2030 га кертеләчәк.
Республика халкын социаль эшкуарлык нигезләре һәм бизнес-идеяләрне үстерү баскычлары белән Казанда уку семинарында таныштырачаклар. Белем бирү тренингы 4 июльдә 16:00 сәгатьтә КФУның "УНИКС" мәдәният-спорт комплексында була. Катнашучыларга социаль бизнес предприятиеләрен төзү нигезләре һәм аларның тотрыклылык критериеләре, кече һәм урта эшкуарлык субъектларына һәм коммерциягә карамаган оешмаларга ярдәм чаралары, проектлар өчен финанслар һәм башка ресурслар җәлеп итү мөмкинлекләре турында сөйләячәкләр.
Эшлекле активлыкны ничек арттырырга һәм бизнеска административ басымны ничек киметергә – "Бизнес-десант" белем бирү проекты кысаларында өйрәтәчәкләр. Игътибар үзәгендә – Татарстан эшкуарларына ярдәм итүнең гамәлдәге чаралары. Тәҗрибәле бизнес-спикерлар, Эшкуарлыкка ярдәм фонды вәкилләре үз белемнәре белән уртаклашачак. Шуны билгеләп үтәргә кирәк: Бизнес десант кысаларында эшкуарларга микрофинанс заемнарын алуга документлар тапшыру мөмкинлеге биреләчәк. Чаралар 25 июньдә республиканың Аксубай (Водстрой ур.,1), Әгерҗе (Карл Маркс ур.,13) һәм Апас (Ленин ур, 98) районнарында була.
Бүген Чаллыда "Моношәһәрләрне үстерү академиясе" форумы кысаларында матбугат конференциясе булды. ТОСЭР резидентлары исәбенә керү чиген киметү турында Внешэкономбанк рәисе урынбасары, моношәһәрләрне үстерү буенча өстенлекле проект җитәкчесе Ирина Макиева сөйләде.
Бүген Чаллы IТ-паркында Идел буе федераль округына керүче 13 РФ субъектының 79 монопрофильле муниципаль берәмлегеннән вәкилләр җыелды. Татарстан "Моношәһәрләрне үстерү академиясе" форумын үткәрү мәйданына әверелде.
Россиянең иң яхшы моношәһәрләре тобына кемнәр кергән – 25 июньдә Мәскәүдә игълан ителәчәк. Бу хакта бүген "Моношәһәрләрне үстерү академиясе" форумы кысаларында Внешэкономбанк рәисе урынбасары, моношәһәрләрне үстерү буенча өстенлекле проект җитәкчесе Ирина Макиева сөйләде. "Әлеге унлык калган 309 өчен үрнәк булачак", – дип ассызыклады ул.
Республика халкын социаль эшкуарлык нигезләре һәм бизнес-идеяләрне үстерү баскычлары белән Казанда уку семинарында таныштырачаклар. Белем бирү тренингы 4 июльдә 16:00 сәгатьтә КФУның "УНИКС" мәдәният-спорт комплексында була. Катнашучыларга социаль бизнес предприятиеләрен төзү нигезләре һәм аларның тотрыклылык критериеләре, кече һәм урта эшкуарлык субъектларына һәм коммерциягә карамаган оешмаларга ярдәм чаралары, проектлар өчен финанслар һәм башка ресурслар җәлеп итү мөмкинлекләре турында сөйләячәкләр.
Татарстан Республикасының сәнәгать предприятиеләре Мәскәүдә бизнес-миссиядә катнаша ала Эшлекле сәфәр июль аеның икенче яртысында булачак. Сәфәр кысаларында Мәскәү һәм Мәскәү өлкәсе дәүләт корпорацияләренең һәм иң эре сәнәгать предприятиеләренең сатып алучы бүлекчәләренә бару һәм алар белән сөйләшүләр үткәрү планлаштырыла.
Татарстан муниципаль берәмлекләре һәм эшкуарлары "Бизнес-Уңыш" премиясен алуга гариза бирә ала. Әлеге конкурс ике турда түбәндәге номинацияләр буенча узачак:
- Иң яхшы яшьләр проекты. Сергей Выходцев исемендәге номинация;
- Иң яхшы җитештерү өлкәсе проекты;
- Сәүдә һәм хезмәт күрсәтүләр өлкәсендә иң яхшы проект;
- Иң яхшы интернет-проект;
Казан шәһәре Идел буе районының эш белән тәэмин итү үзәгендә эшсез гражданнарның – Татарстан Республикасы Хезмәт, эш белән тәэмин итү һәм социаль яклау министрлыгының "Халыкның үз-үзен эш белән тәэмин итүенә ярдәм" программасында катнашучыларның бизнес-планнарын яклау буенча экспертлар советы утырышы узды. Совет составына Эш белән тәэмин итү үзәге, район Администрациясе хезмәткәрләреннән, салым органы вәкиленнән тыш Татарстан Республикасы эшкуарлыгына ярдәм фондының Социаль өлкә инновацияләре үзәге вәкиле дә керде.