ЯҢАЛЫКЛАР

Бүген Татарстан Республикасы Сәүдә-сәнәгать палатасының конгресс-залында «түгәрәк өстәл» форматында Татарстан Республикасы икътисад министры, Республика өч яклы комиссиясе координаторы Мидхәт Шаһиәхмәтов рәислегендә Социаль-хезмәт мөнәсәбәтләрен җайлау буенча республика өч яклы комиссиясе утырышы узды.
Республика өч яклы килешүе социаль-хезмәт мөнәсәбәтләре өлкәсендәге киң кырлы бурычларны хәл итүне күздә тота, дип басым ясады, утырышта катнашучыларга мөрәҗәгать итеп Мидхәт Шаһиәхмәтов. Хезмәт мөнәсәбәтләре системасында төп мәсьәләләр булып халыкның мәшгульлеге, хезмәткә түләү, эш урыннарының куркынычсызлыгы һәм социаль хезмәт күрсәтүләрдән файдалана алу мөмкинлеге тора.

Татарстан Республикасы Икътисад министрлыгына караган Татарстан Республикасы Экспортка ярдәм итү үзәге чит илләрдәге Россия Федерациясе сәүдә вәкиллекләре белән хезмәттәшлек итә. Шәхси танышулар һәм хезмәттәшлекнең ихтимал перспективалары һәм проблемалары буенча фикер алышу максатларында 2013 елның 29 октябрендә 15.00 сәгатьтә чит илләрдәге Россия Федерациясе сәүдә вәкиллекләренең тышкы икътисадый проектларны тормышка ашырырга җәлеп ителгән Татарстан компанияләре вәкилләре белән очрашуы үтәчәк. Сезне әлеге очрашуда катнашырга чакырабыз! Очрашуда катнашучыларга һәр сәүдә вәкиле белән шәхси аралашу мөмкинлеге тудырылачак. Чара Россия Федерациясе Икътисадый үсеш министрлыгында (Мәскәү шәһ.) узачак. Катнашу өчен Татарстан Республикасы Экспортка ярдәм итү үзәгенә 2013 елның 22 октябренә кадәр түбәндәге телефон буенча мөрәҗәгать итәргә кирәк: 8 (843) 227-42-33. Экспортка ярдәм итү үзәгендә элемтә өчен җаваплы зат – Гергерт Роза Илдусовна.

Татарстан Республикасы Икътисад министрлыгында ТР Иҗтимагый палатасы рәисе Анатолий Фомин рәислегендә социаль юнәлешле коммерциячел булмаган оешмаларга Татарстан Республикасы бюджетыннан конкурс нигезендә субсидияләр бирү буенча конкурс комиссиясенең беренче утырышы узды. Утырышта 2013 елда Татарстан Республикасы бюджетыннан субсидияләр алу хокукына социаль юнәлешле коммерциячел булмаган оешмалар конкурсының экспертлар составы тикшерелде һәм килештерелде. Экспертлар составы конкурсның өстенлекле юнәлешләрен исәпкә алып формалаштырылды, анда бәйсез экспертлар белән берлектә, Татарстан Республикасы башкарма хакимият органнары вәкилләре дә керде. Татарстан Республикасы Икътисад министрлыгында экспертлар өчен социаль юнәлешле КБОларның субсидия алу хокукына конкурста катнашу өчен бирелгән гаризаларына экспертиза үткәрү буенча мәгълүмати-методик семинар уздырылды. Семинарда Татарстан Республикасы Икътисад министрлыгы һәм Татарстан Республикасы Иҗтимагый палатасы вәкилләре чыгыш ясады. Якын арада конкурска тәкъдим ителгән проектларга экспертиза үткәреләчәк.

Бүген Казанда «Мәгълүматлаштыру - Россия төбәкләрен камилләштерүнең нигезе» исеме астында илкүләм IT-форум уза. Чарада Россия Хөкүмәте вәкилләре белән беррәттән халыкара танылган компанияләр дә катнаша.
Форумның максаты - тормышның халык өчен аеруча әһәмиятле булган өлкәләрен уңайлы мәгълүмати технологияләр беән тәэмин итү, әлеге тармактагы кызыклы проектларны барлау. Хөкүмәт вәкилләре, зур IT-компанияләр һәм Россиянең төбәк җитәкчеләренә үзара аралашу, тәҗрибә уртаклашу өчен бәйсез мәйданчык булдыру - шулай ук мөһим максатларның берсе буларак карала.

2013 елның 18 октябрендә Татарстан Республикасы Икътисад министрлыгында «2011-2015 елларга Татарстан Республикасының социаль-икътисадый үсеше программасын раслау турында»гы Татарстан Республикасы Законына үзгәрешләр кертү турында» Татарстан Республикасы законы проектын килештерү барышында кергән тәкъдимнәр буенча фикер алышу максатында республика министрлыклары һәм ведомстволары вәкилләре белән киңәшмә узды. Закон проектына кайбер әйдәп баручы илләр, шул исәптән Россия Федерациясендә икътисадый үсеш темплары акрынайган шартларда республика икътисадының төп өлкәләрендә үсеш темпларын стимуллаштыру өчен институциональ шартлар тудыруга юнәлтелгән яңа чаралар кертелде. Яңа чараларны гамәлгә ашыру Программаны эшчәнлекнең барлык секторлары өчен мөһим әһәмияткә ия системалы характердагы проблемаларын чишүгә юнәлтә. Закон проекты Программаның «Программаны гамәлгә ашыру барышын күзәтү һәм аңарга үзгәрешләр кертү» турындагы 5.1 бүлегенә ярашлы рәвештә эшләнгән.

2013 елның 17 октябрендә Татарстан Республикасы Икътисад министрлыгында Татарстан Республикасыннан Россия Федерациясе Федераль Җыены Дәүләт Думасының алтынчы чакырылыш депутатлары һәм Татарстан Республикасы башкарма хакимияте органнары вәкилләре катнашында видеоконференция үткәрелде. Ул Татарстан икътисадына федераль акчаларны җәлеп итү мәсьәләсенә багышланган иде. Киңәшмәне Дәүләт Думасының торак сәясәте һәм торак-коммуналь хуҗалыгы буенча комитеты әгъзасы Ришат Әбүбәкеров һәм Татарстан Республикасы икътисад министры урынбасары Марат Шәрифуллин алып барды. Киңәшмә барышында Татарстан Республикасы объектларын һәм республикада әзерләнә торган чараларны гамәлдәге һәм кабул ителәчәк федераль максатчан һәм дәүләт программаларына кертүгә, федераль бюджеттан акчалар бүлеп бирүгә бәйле башка юнәлешләргә, инвестицион проектларны гамәлгә ашыру һәм инновацион территориаль кластерларны үстерү буенча эшчәнлекне тормышка ашыру өлешендә федераль законны камилләштерүнең кайбер юнәлешләренә кагылышлы мәсьәләләр каралды. Эш төркемнәре буенча җаваплылар – министрлар урынбасарлары үз эш төркемнәре эшчәнлеге нәтиҗәләре буенча хисап тоттылар.

2013 елның 16-17 октябрь көннәрендә «Татарстан Республикасында стандартлаштыру, метрология һәм сынау дәүләт төбәк үзәге» Федераль бюджет учреждениесе «Фәнни һәм фәнни-техник эшчәнлек нәтиҗәләрен икътисадый әйләнешкә кертү максатында СМҮ ФБУнең хезмәт күрсәтү өлкәсен киңәйтү концепциясе» дип аталган семинар оештырды. Бүген, 2013 елның 17 октябрендә, семинар кысаларында «Төбәкләрнең инновацион үсеше: уңыш факторлары һәм тәэмин итү чаралары. Стандартлаштыру, метрологияне куллану һәм инновацион продукцияне җитештерүгә куюның максатларга туры килүен раслау мәсьәләләре» темасы буенча «түгәрәк өстәл» үткәрелде. Спикерларның берсе сыйфатында «түгәрәк өстәл»дә Татарстан Республикасы икътисад министры урынбасары Артем Здунов катнашты. Татарстан Республикасы Россиянең иң көчле инновацион төбәкләре бишлегенә керә, ә Россиянең Инновацион төбәкләре ассоциациясендә катнанашучы төбәкләр арасында 1нче урында тора. Татарстан Республикасында фән, технология һәм техника үсешенең өстенлекле юнәлешләре арасында нанотехнологияләр, биотехнологияләр, фундаменталь һәм гамәли медицина, полимер, композицион һәм энергия белән туендырылган материаллар, фән сыйдырышлы машина төзелеше һ.б. бар.

Бу атнада Татарстан Республикасында инвестицион салым кредитын бирү турында карар кабул итү йөкләтелгән орган буларак билгеләнгән Татарстан Республикасы Икътисад министрлыгында әлеге кредитларны бирү шартларын һәм тәртибен аңлату буенча киңәшмә узды. Киңәшмәдә республиканың кызыксынган предприятиеләре вәкилләре катнашты. Хәтерегезгә төшерик, «Татарстан Республикасында инвестицион салым кредиты турында»гы 2011 елның 10 октябрендәге 68-ЗРТ номерлы Татарстан Республикасы Законына (сылтама) ярашлы рәвештә Татарстан Республикасында инвестицион салым кредиты Татарстан Республикасы территориясендә хуҗалык алып баручы оешмага бирелергә мөмкин. Бу очракта берничә нигез булырга тиеш, шул исәптән инновацион эшчәнлек, техник яктан яңадан кораллану, гамәлдәге җитештерүләрне яңарту һәм яңаларын сафка бастыру. Инвестицион салым кредиты түбәндәге салымнар буенча бирелә: Татарстан Республикасы бюджетына күчерелергә тиешле өлешендә оешмаларның табышына салым; оешмаларның мөлкәтенә салым; транспорт салымы.

Җәйге Универсиадага әзерлек кысаларында республикада туризмны үстерү буенча бик зур эшләр башкарылды. Хәзерге вакытта башкалада туристлар өчен инфраструктура тулысынча әзер диярлек. Тик инфраструктура булу гына җитми шул - кызыклы урыннарны кунакларга дөрес итеп тәкъдим итә белергә дә кирәк.

Татарстан бизнес-туризмга өстенлек бирә

Бүген Казанда Россиядә туризм тармагын үстерүгә багышланган халыкара форум ачылды. Чараның Татарстанда уздырылуы юкка түгел. Соңгы елларда республика туристларда зур кызыксыну уята. Әлбәттә, бу вәзгыятькә, беренче чиратта, спорт һәм мәдәни чаралар аеруча йогынты ясый.

Шулай да, Татарстанның премьер-министры Илдар Халиков сүзләренә караганда, хәзерге вакытта республикабызны танытуда зур роль уйный торган тагын бер юнәлеш бар. Ул да булса - бизнес-туризм. «Без республика территориясендә төрле халыкара, россиякүләм конференцияләр, фәнни-гамәли форумнар, нефть сәнәгате, банклар эшчәнлеге белән бәйле чаралар уздырырга тырышабыз. Әлеге чараларга, кагыйдә буларак, бик күп халык җыела. Аларга эшлекле очрашулардан тыш, Казан шәһәре, республика буйлап экскурсияләр дә оештырыла», - дип белдерде үзенең чыгышында премьер-министр.