ЯҢАЛЫКЛАР

2014 елның 5 нче мартыннан башлап Чаллы шәһәренең бизнес-инкубаторы “Маркетингка кереш” темасына вебинар(он-лайн семинар) үткәрә.

Мондый ысул аркасында кече эшкуарлар өчен эш урыннарыннан чыкмый гына белем алу мөмкинлеге туа. Вебинарда шулай ук Алабуга һәм Чистай шәһәрләренең бизнес-инкубаторлары да катнаша.
Беренче семинар 2014 елның 5 нче мартында 14 сәгатҗтә башлана. (Адрес: http://m.mirapolis.ru/m/miravr/9603428881).

Татарстан Республикасы Икътисад министрлыгы Россия Федерациясенең 2 норматив хокукый актларның җайга сала торган йогынтысын бәяләү уздыра.
Әлеге норматив хокукый актлар проектлары карау өчен тармаклы минитрлыкларга җибәрелделәр.
Бизнес-берләшмәләр вәкилләрен Россия Икътисадый үсеш министрлыгы сайтында www.economy.gov.ru/ria танышырга һәм искәрмәләрен Nail.Madiev@tatar.ru электрон адресына юлларга чакырабыз.

Татарстан Республикасы Министрлар Кабинеты һәм муниципаль районнар (шәһәр округлары) арасында, ТР Министрлар Кабинеты утырышы барышында, 2014-2016 елларга Татарстан Республикасы муниципаль берәмлекләренең җирле үзидарә органнары эшчәнлекләре нәтиҗәләренә бәя бирү өчен планлаштырылган күрсәткечләргә ирешү турындагы килешү имзаланды. Документка ТР Премьер-министры Илдар Халиков һәм муниципаль районнар башлыклары имзаларын куйды.

ТР Министрлар Кабинеты утырышын ачып, Илдар Халиков республикада министрлыклар, ведомстволар һәм җирле үзидарә органнары эшчәнлегенә бәя бирү өчен бердәм мониторинг системасын булдыру кирәклеген белдерде.
“Бүген без, куелган максатларга ирешүдә мөһим механизм булып торучы килешүне имзалыйбыз”,- дип ассызыклады ул.

Илдар Халиков хәбәр иткәнчә, 2013 елда муниципаль районнар тарафыннан максатчан күрсәткечләрне үтәүнең уртача дәрәҗәсе 75,7% тәшкил иткән, бу 2012 елдагыга караганда 9,3%ка югары.
Күрсәткечләрне үтәү буенча нәтиҗә ясау квартал саен башкарылачак, дип белдерде Илдар Халиков.

Татарстан икътисад министры Мидхәт Шаһиәхмәтов, ТР төзелеш, архитектура һәм торак-коммуналь хуҗалык министры Ирек Фәйзуллин, ТР фән һәм мәгариф министры Энгель Фәттахов, ТР сәламәтлек саклау министры Адель Вафин үзләренең чыгышларында, “проблемалы” күрсәткечләрне яхшырту өчен муниципаль районнарга нәрсә эшләргә кирәклеген җиткерделәр.

Утырыш тәмамланганда килешү имзаланды.

2014 елның 1 нче мартыннан Казанда Татарстан Республикасы башкарма хакимияте һәм Татарстан Республикасы дәүләт органнары аппаратлары хезмәткәрләренең дүртенче Спартакиадасы башланды.
Татарстан Республикасы Икътисад министрлыгы комндасы чаңгы ярышында “бронза” яулады.
Министрлык командасын ирешелгән уңыш белән котлыйбыз!

2014 елның 28 нче февралендә Красноярск икътисадый форум кысаларында «Монополияләр күзәтү астындамы?» темасына «түгәрәк өстәл» узды.
Утырышта шулай ук Россия Федерациясе Хөкүмәте вице-премьеры Аркадий Дворкович, Россия Федерациясе Хезмәт һәм социаль яклау министры Максим Топилин, Россия халык хуҗалыгы һәм дәүләт хезмәте академиясе ректоры Владимир Мау һәм башка экспертлар катнашты.
Быел форумда катнашучылар ике төп теманы кузгатты — Россия икътисады үсешенең яңа чыганакларын эзләү һәм Себер һәм Ерак Көнчыгышны үстерү.
Дворкович фикеренчә, бу чыганакларны ресурсларны нәтиҗәлерәк файдалануда, хезмәт җитештерүчәнлеген үстерүдә, дәүләт белән бизнес арасында үзара мөнәсәбәтләрне ныгытуда, кече һәм урта бизнесның активлыгын арттыруда эзләргә кирәк.
Россия икътисадын үстерүнең яңа чыганаклары турындагы үз фикерләрен утырыш барышында шулай ук анда катнашучылар һәм экспертлар да әйттеләр.

Татарстан Республикасы Икътисад министрлыгы Татарстан Республикасы Мәгълүматлаштыру һәм элемтә министрлыгы белән берлектә 2014 елның 28 нче февралендә Түбән Кама шәһәрендә КФҮ эше сораулары буенча белем бирү семинары уздырды..
Азнакай, Биектау, Яшел Үзән, Мамадыш, Менделеевск һәм Түбән Кама муниципаль районнарында КФҮ пилот дип билгеләнгән.
Белем бирү семинары Түбән Кама шәһәре, Төзүчеләр проспекты 12 йорт адресы буенча узды.

2014 елның 28 февралендә Татарстан Республикасы Авыл хуҗалыгы һәм азык-төлек министрлыгында баланс комиссиясе утырышы узды. Утырышта 2014 елның март аенда булачак Татарстан Республикасы Министрлар Кабинеты каршындагы Икътисадый совет утырышында каралачак сораулар буенча фикер алыштылар.
Анда 40ка якын авыл хуҗалыгы оешмалары каралды.
Татарстан авыл хуҗалыгы товарлары җитештерүчеләрнең яшелчә продукциясе белән тәэмин итеп тору мәсьәләсе буенча фикер алыштылар.

2014 елның 26 нчы һәм 27 нче февральләренндә Татарстан Республикасы Сәнәгать һәм сәүдә министрлыгында баланс комиссиясе утырышы узды.
Утырышта 2014 елның март аенда булачак Татарстан Республикасы Министрлар Кабинеты каршындагы Икътисадый совет утырышында каралачак сораулар буенча фикер алыштылар.
Анда энергетика, нефть, газ, химия һәм машина төзү комплексларнда җитештерү күләме кимүе, аларның кереме кимүе сорауларыкаралды.

“Опора России” гомумроссия кече һәм урта эшмәкәрлек иҗтимагый оешмасы «Территория бизнеса – территория жизни» бөтенроссия форумы уздыра.
Форум 2014 нче елның 5 нче мартында Мәскәү шәһәрендә узачак.
Форумда катнашу өчен 2014 елның 4 нче мартыннан да соңармыйча http://www.opora-forum.ru сайтында бушлай регистрация үтәргә кирәк.

Форум программасы

2014 елның 27 февралендә салым инспекциясе, «Сбербанк России» ААҖнең «Татарстан Банкы» бүлеге, Газпромбанк филиалы, «ДАНАФЛЕКС» ЯАҖнең вәкилләре катнашынды инвестицияле салым бирү сораулары буенча киңәшмә узды.
Киңәшмәдә инвестицияле салым бирү һәм аны кере кайтару шартлары каралды.
Банк гарантиясе бирүче банклар исемлеге Россия Федерациясе Финанс министрлыгы сайтында http://www.minfin.ru/ru/tax_relations/policy/bankwarranty/index.php?id4=19700 урнаштырылган.