ЯҢАЛЫКЛАР

Татарстан Республикасы Министрлар Кабинетының "Татарстан Республикасы Министрлар Кабинетының «Инвестиция эшчәнлеге субъекты белән Татарстан Республикасының Икътисад министрлыгы арасында инвестицияле проектны гамәлгә ашыру турында шартнамә төзү тәртибе һәм шартлары хакындагы нигезләмәне һәм инвестицияле проектны гамәлгә ашыру турында шартнамә формасын раслау хакында» 2006 ел, 24 июль, 377 нче карарына үзгәрешләр кертү турында" 2013 ел, 12 апрель, 248 нче карары.
Татарстан Республикасының Финанс министрлыгы, Федераль салым хезмәтенең түбәндәге салымнар һәм җыемнар буенча икътисадый эшчәнлекнең төп төрләре буенча Россия Федерациясе бюджет системасына салым түләүләре керү турындагы мәгълүматлары нигезендә, хисап елында тиешле тармакта тулаем Россия Федерациясе буенча Россия Федерациясе субъектларының берләштерелгән бюджетларына салым түләүләреннән һәм җыемнарыннан факттагы керемнәр күрсәткеченең хисап елы алдыннан килгән елдагы шундый ук күрсәткечкә карата чагыштырмасы буларак билгеләнә торган төзәтү коэффициентын исәпкә алып, Шартнамәнең 2.2.11нче пункты нигезендә Инвестиция эшчәнлеге субъектының бу йөкләмәне үтәвен хисаплау юлы белән бәяләүне ел саен гамәлгә ашыра:
федераль салымнар һәм җыемнар буенча;
Россия Федерациясе субъектлары бюджетларына исәпләнә торган табышка салым;
физик затлар керемнәренә салымнар;
төбәк салымнары буенча;
оешмалар мөлкәтенә салым;
транспорт салымы;
җирле салымнар һәм җыемнар.
Татарстан Республикасының Финанс министрлыгы хисап елыннан соң килүче елның 15 мартыннан да соңга калмыйча Татарстан Республикасының Икътисад министрлыгына бу Шартнамәнең 2.2.11 нче пункты нигезендә Инвестиция эшчәнлеге субъектының йөкләмәләрне үтәве турында хәбәр итә.».

2014 елның 12 мартында Татарстан Республикасы Икътисад министрлыгында министр урынбасары – Эшкуарлыкны үстерү департаменты башлыгы Рөстәм Сибгатуллин рәислегендә агач эшкәртү һәм җиһазлар ясау өлкәсендәге кече һәм урта эшкуарлык субъектларына ярдәм итү сорауларына багышланган киңәшмә уздырылды.
Киңәшмәдә Татарстан Республикасы Сәнәгать һәм сәүдә министрлыгы, Татарстан Республикасы Сәүдә-сәнәгать палатасы, Татарстан Республикасы Җиһаз һәм агач эшкәртү предприятиеләре ассоциациясе, «Кастамону Интегрейтед Вуд Индастри» ҖЧҖ, «АК БАРС КАПИТАЛ» ИК ҖЧҖ вәкилләре, шулай ук тармак вәкилләре катнашты.
Киңәшмә барышында тармак үсешенә һәм җиһазлар җитештерүне чимал белән тәэмин итүче иң эре тәэминатчы белән кече һәм урта эшкуарлык субъектыларының потенциаль хезмәттәшлегенә кагылышлы сораулар каралды.

2014 елның 11 мартыннан Монополиягә каршы федераль хезмәт Укыту-методик үзәге базасында Татарстан Республикасы контракт хезмәте хезмәткәрләре һәм идарәчеләре өчен үзәкләштерелгән укулар оештырылды. Укулар тәмамланганнан соң, тыңлаучыларга һөнәри квалификацияләрен күтәрү турындагы таныклыклар тапшырыла.
Заказчыларның һөнәри дәрәҗәсе контракт системасының бер принцибы булып тора. Контракт хезмәте хезмәткәрләре һәм контракт идарәчеләре югары белемгә яисә сатып алулар өлкәсендә өстәмә һөнәри белемгә ия булырга тиешләр.

Татарстан Республикасы Министрлар Кабинетының "«2013-2020 елларга Татарстан Республикасында интеллектуаль милек базарын үстерү» озак вакытлы максатчан программасын раслау турында" 2013 ел, 15 гыйнвар, 11 нче карары положенияләрен үтәү кысаларында Бөтендөнья интеллектуаль милек базарын үстерү программасы буенча семинар уздырыла.

Катнашырга теләүчеләргә үзлзренең исем, фамилияләрен һәм контактларын popova@tcnti.ru электрон адресына җибәрүләрен сорыйбыз.
Курслар белән каталогта танышырга мөмкин.

Татарстан Республикасында узган министрлыклар һәм ведомстволар коллегияләре һәм шулай ук ТР муниципаль район советлары сессияләре нәтиҗәләре турында бүген Татарстан Республикасы Хөкүмәте Йортында булган брифингта сөйләделәр. Анда ТР Премьер-министр урынбасары – ТР Министрлар Кабинеты Аппараты җитәкчесе Шамил Гафаров һәм ТР Президент Аппараты җитәкчесе урынбасары – ТР Президентының Төбәкләр белән эшләү буенча идарә башлыгы Илнур Гарипов катнашты.
Брифинг гадәттәгечә Татарстанның барлык муниципаль районнары белән видеоконференцэлемтә режимында узды, шулай ук интернет челтәрендә (www.prav.tatarstan.ru) трансляцияләнде.

Шамил Гафаров хәбәр иткәнчә, 2013 нче елның 11 нче декабреннән 2014 нче елның 6 нчы мартына кадәр республика министрлыклары һәм ведомстволарының 43 отчет киңәшмәсе узган. 18 йомгаклау коллегиясендә Татарстан Президенты Рөстәм Миңнеханов, 16 утырышта ТР Премьер-министры Илдар Халиков, калганнарында республика дәрәҗәсендәге җитәкчеләр катнашкан. Моннан тыш, йомгаклау коллегияләрендә федераль дәрәҗәдәге 17 җитәкче чакырылган. Барлыгы коллегия утырышларында 12 меңгә якын дәүләт хезмәткәре катнашкан.

Әлеге программа буенча заявкалар 2014 нче елның 15 нче февраленнән башлап 24 нче февраленә кадәр кабул ителде.
Россия Федерациясенең 70 субъекты катнашты. Аларның 45 җиңүче дип табылды.
Конкурс нәтиҗәләре буенча Татарстан Республикасына 23 841 мең сум күләмендә субсидия бүлеп бирелде. Татарстан Республикасы Россия Федерациясенең 45 субъекты арасыннан 2 нче урын алды. Беренче урында Санкт-Петербург шәһәре.

Татарстан Республикасы Икътисад министрлыгына караган Экспортка ярдәм итү үзәге экспорт белән шөгыльләнүче оешмаларны май аенда узачак күргәзмәләрда катнашырга чакыра.

Экспортка ярдәм итү үзәге регистрацион сбор һәм күргәзмә майданы өчен түләүләрне үзе каплый. Юл һәм яшәү чыгымнары - оешма хисабыннан.

Барлык сораулар өчен телефоннар: 8(843)223-06-74.

Бүгеннән республикада “ЛИЗИНГ-ГРАНТ” программасы старт ала. Татарстан Республикасы Икътисад министрлыгы 13 нче марттан башлап, “ЛИЗИНГ-ГРАНТ” программасы буенча субсидияләр формасында дәүләт ярдәме күрсәтү өчен, конкурс нигезендә Татарстан Республикасы кече һәм урта эшмәкәрлек субъектларын сайлап алу турында игълан итә. Бу хакта бүген “Татмедиа” Республика матбугат һәм гаммәви коммуникацияләр агентлыгында узган матбугат конференциясендә ТР Икътисад министрлыгының Эшмәкәрлеккә ярдәм департаменты башлыгы урынбасары Артем Сироткин сөйләде.
Конкурста катнашу өчен заявкаларны ТР Эшмәкәрлеккә ярдәм үзәге кабул итәчәк. Теләге булганнарга Казанның Мәскәү урамы, 55 нче йорт адресы буенча урнашкан министрлык бинасына килеп,125 нче кабинетка мөрәҗәгать итәргә кирәк. Дүшәмбе – пәнҗешәмбе 9 дан 18 сәгатькә кадәр, җомга көнне 9 дан 16 сәгать 45 минутка кадәр вакыт аралыгында килергә була.
“Гадәттә, эшмәкәрлеккә ярдәм программаларын финанслау елның икенче яртысында старт ала иде, быел эшмәкәрләрдән, шул исәптән, сезонлылык факторы мөһим булган авыл хуҗалыгы җитештерүчеләреннән мөрәҗәгатьләр күп булганлыктан, планлаштырылган акчаларның республика өлеше хисабына, бу ярдәмне иртәрәк башларга булдык. Әлегә башлангыч финанслау 60 млн сум күләмендә билгеләнде, алга таба ул арттырылачак. Күпмегә икәне Россиянең Икътисади үсеш министрлыгы конкурсында ничек катнашуыбызга бәйле булачак”, - дип белдерде Артем Сироткин. Ул хәбәр иткәнчә, федераль бюджеттан каралачак финанслау күләме апрель азагында тәгаенләнергә тиеш.

2014 елның 6 нчы мартында Татарстан Республикасы Икътисад министры Мидхәт Шагиәхмәтов Россия Федерациясе Президенты йомышчысы Андрей Белоусов уздырган киңәшмшдә катнашты.
Киңәшмә сәнәгатьнең конкуренциягә сәләтен арттыру мәсьәләсе буенча булды.
Россия Федерациясе Президенты каршындагы Икътисадый совет Президиумы утырышы 2014 елның 12 нче мартына планнаштырылган.

Бу атнада Татарстан Республикасы Икътисад министрлыгына караган «Дәүләт заказы, инвестицияле эшчәнлек һәм төбәкара элемтәләр буенча Татарстан Республикасы агентлыгы» ДУП вәкилләренең Россия Федерациясе субъектларында «Дүрт чыгым» проектын гамәлгә ашыру буенча «Саклык банкы-АСТ» ҖЧҖ вәкилләре белән чираттагы киңәшмәсе уздырылды. Системаны гамәлгә кертү заказчылар тарафыннан мәгълүматны ачу принципларын үзгәртә. Тикшерелү таләп ителгән чыгым декларацияләре урынына чыгымнарны автомат рәвештә исәпкә алу кертелә. Бу акчаларны максатчан куллануны исәпкә алу һәм контрольдә тотуның нәтиҗәле ысулы булып тора. Чираттагы эшче очрашуны 2014 елның 17 мартында Казанда уздыру планлаштырылды.