ЯҢАЛЫКЛАР
Бүген Россия Федерациясе Президентының Идел буе федераль округындагы Тулы вәкаләтле вәкиле Михаил Бабич һәм Татарстан Республикасы Президенты Рөстәм Миңнеханов Казанның Фатыйх Әмирхан урамындагы ишегалдында булдылар. Бу күптән түгел төзекләндерелгән территорияне карауда шулай ук Татарстан Республикасы Президенты ярдәмчесе Наталия Фишман, Казан мэры Илсур Метшин һәм башкалар катнашты.
Бүген Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Татарстанга эш сәфәре кысаларында Казандагы күп функцияле үзәк (Ямашев ур., 82) эше белән танышты. Аны Татарстан Республикасы Президенты Рөстәм Миңнеханов, Татарстан Республикасы икътисад министры Артем Здунов, Татарстан Республикасы буенча баш федераль инспектор Ренат Тимерҗанов һәм башкалар озата йөрде.
Татарстан Республикасы башкарма власть органнарының 2016 ел өчен эшчәнлеге агымдагы елның 10 мартында Татарстан Республикасы Президенты Р.Н.Миңнеханов тарафыннан Татарстан Республикасы Дәүләт Советына кертелде.
Татарстан Республикасында, югары үткәрешле технологияләрне кулланып, энергетика өлкәсендә проектлар гамәлгә ашырыла ала. Бу хакта бүген Татарстан Республикасы Президенты Рөстәм Миңнеханов уздырган «Татнефтехиминвест-холдинг» ААҖ Директорлар советының чираттагы утырышында билгеле булды.
22 мартта Казанда МСП субъектларына ярдәм күрсәтү мәсьәләсе буенча Татарстан Республикасы Президенты Рөстәм Миңнеханов һәм «МСП Корпорациясе» АҖ Генераль директоры Александр Браверман катнашында киңәшмә була.
2017 елның 27 мартында Мәскәүдә (Новинский б-р, 8нче йорт) РВКның VI Инвестицион форумы: венчур базарының киләчәге була.
Бүген Татарстан Республикасы Президенты Рөстәм Миңнеханов «Кориб» компанияләр төркеменең (Чаллы) җитештерү цехларын карап чыкты.
18 апрельдә Түбән Камада «Закамье» регионы сәүдә-сәнәгать палатасы белән бергә эшмәкәрлекне үстерү һәм ярдәм итү буенча үзәк оештыруында һәм Татарстан Республикасы Икътисад министрлыгы ярдәмендә эшмәкәрләрнең I Съезды була. Аның максаты – 2020 елга кадәр эшмәкәрлекне үстерү стратегиясен эшләү.
2017 елның 30-31 мартында Мәскәүдә кеше, шәһәр һәм бизнес ихтыяҗларына юнәлтелгән энергетика белән идарә итүнең яңа моделен төзүгә багышланган Халыкара энергетика саммиты — Smart Energy Summit узачак.
Россия Хезмәт министрлыгының мәҗбүри пенсия страхованиесе системасында шәхси исәп-хисаплар торышы турында страховкаланган затларны мәгълүматлаштыру буенча Россия Федерациясе Пенсия фондының дәүләт хезмәтләре күрсәтү административ регламентын раслауга ярашлы боерыгы 2017 елның 13 мартында Россия Минюстында теркәлгән. Элек шундый мәгълүматлаштыруның гамәлдә булган регламенты үз көчен югалткан дип таныла.