Казанда Казанның 3нче ТЭЦта ГТУны коммерция файдалануына тапшыру тантанасы булды

Бүген Татарстан Республикасы Президенты Рөстәм Миңнеханов катнашында   Казанның 3нче  ТЭЦында газотурбина җайланмасын (ГТУ) коммерция файдалануына тапшыру тантанасы булды. Татарстан Республикасы Икътисад министрлыгын церемониядә министр Артем Здунов күрсәтте.

 ГТУ 9HA.01 базасында яңа җайланма киеренкелек  (ДПМ) поставкасына килешү программасы  механизмын җәлеп итмичә һәм республика кулланучыларына өстәмә финанс киеренкелеге тудырмау өчен  төзелгән. Энергоблокны  файдалануга тапшыргач станциянең  производство күрсәткечләре сизелерлек артты. Билгеләнгән электр киеренкелеген куллану коэффициенты  1,5 тапкырдан артып китте, ә электр энергиясен җибәрүгә ягулык чыгымнары   30%тан да артык кимеде.

Болардан тыш, проектны гамәлгә ашыру КТЭЦ-3тә, Казан энергорайонында яшәп килгән электр киеренкелеге дефицитын киметеп һәм зур сәнәгать предприятиеләрен һәм Казан халкын электр белән ышанычлы тәэмин итеп, электр энергиясен комбинацияләнгән циклда эшләп чыгаруны 3 тапкыр арттырачак.

«Ул яшәп килгән энергия җайланмаларыннан әйбәтрәк, бу  - яхшы үрнәк, бу   «Дженерал Электрик» компаниясе эшләгән һәм тәэмин иткән иң яхшы җайланма, һәм безнең алар белән алда да хезмәттәшлек итү планнары бар, һәм бу безнең станцияләрнең энергонәтиҗәлелегенең яхшырачагы турында сөйли», - диде Рөстәм Миңнеханов.

Исегезгә төшерәбез,  ГТУ базасында «ТГК-16» ААҖ һәм General Electric ЧҖҖ «ДжиИ РУС» компаниясе  арасында Казанның 3нче ТЭЦын модернизацияләү буенча контрактка    2014 елда кул куелган иде. Казанның 3нче ТЭЦы дөньяда әлеге типтагы ГТУ урнаштырылган икенче энергообъект булды.