Артём Здунов УФСИН территориясендә производство мәйданчыкларын карап чыкты
Татарстан Республикасы икътисад министры Артём Здунов һәм «Татарстан Республикасы Гарантия фонды» НО директоры Дилүс Шәвәлиев 17 майда икътисад өлкәсендә таләп ителгән Татарстан Республикасы буенча җәзаларны үтәтү Федераль хезмәт Идарәсенең яңа продукция җитештерү буенча бердәм тәкъдимнәр эшләү һәм кертү максатыннан чыгып, УФСИН (ФКУ ИК-2, ФКУ ИК-18, ФКУ ИК-19) территорияләрендәге өч производство мәйданчыгында булды. Производство мәйданчыкларында булганда министр кече һәм урта эшмәкәрлек субъектларының гамәлдәге бизнесы белән танышты. Кайбер эшмәкәрләр - «Мастер стар» ЧҖҖ, Алькор ЧҖҖ, ТПФ Центрокон ЧҖҖ, ИП Саләхов М.И. һәм башкалар кебекләрнең эшчәнлеге нәтиҗәләре югары бәяләнде. Мәйданчыкларны караганнан соң УФСИН вәкилләре белән киңәшмә уздырылып, анда УФСИН территориясендә җитештерелгән продукциягә сорауны арттыру буенча төп чаралар каралды.
Татарстан Республикасында җәзаларны үтәтү Федераль хезмәте Идарәсе территориясендә предприятиеләр һәм производство участоклары булган ун Федераль казна учреждениесе бар (Татарстан Республикасы буенча Россия УФСИНның ирекле (консервацияләнгән) һәм өлешчә эшләгән производство мәйданчыклары турында белешмәне түбәндәге ссылка буенча табарга була).
Татарстан Республикасы буенча Россия УФСИН җинаять җәзаларын үтәтү системасы предприятиеләре түбәндәге юнәлешләр буенча эшчәнлек алып бара:
- металл эшкәртү буенча;
- агач эшкәртү буенча;
- тегү производствосы буенча;
- авыл хуҗалыгы продукциясен җитештерү буенча һәм башкалар.
УФСИН хезмәтләреннән файдаланганда МСП субъектлары аренда мәйданчыкларына түләүдә (аренда түләве юк), хезмәткәрләргә хезмәт хакы түләүдә (хөкем ителүчеләрнең хезмәт хакы бер МРОТ тәшкил итә - 7500 сум), җитештерелгән продукцияне саклауда (аренда түләве юк) , производство өчен җиһазлар сатып алганда (УФСИНның үзенең производство киңлекләре бар) экономия ясый алалар.
Кызыксынган очракта һәм тулырак мәгълүмат алу өчен түбәндәге телефонга шалтыратырга кирәк: 8(843)236-04-83 Тимур Закиров.