Республика эшмәкәрләренә Кытайга экспорт поезды җибәреләчәге турында хәбәр итәбез

 «Татарстан Республикасында эшмәкәрлекне яклау фонды »НОның Татарстан Республикасы экспортны яклау үзәге   Татарстан Республикасы эшмәкәрләренә хәзерге вакытта «РЭЦ» АҖнең «РЖД», «РЖД-Логистика», «Трансконтейнер» ААҖ компанияләре һәм башкалар белән бергә  Ворсино станциясеннән  (Калуга өлкәсе) Забайкалье аша Кытайга экспорт поезды җибәрәчәге турында хәбәр итә.

Поездны Ворсино станциясеннән (Калуга өлкәсе) Кытайга җибәрү 2017 елның 5 апреленә планлаштырыла.

 Поездның өстенлекләре:

1. 14 көн эчендә илтеп җиткерү;

2. Бәясе су транспортыныкы кадәр;

3. Ворсинода  таможня узарга һәм кирәкле  документларны (фитосанитар нормалар, һәм башкалар) тутырырга була.

Йөкне илтеп җиткерүнең ике ноктасы планлаштырыла: теләсә–кайсы портка кадәр (мәсәлән, Шанхайга) фидер судноларында Далянь портына, яисә автомобиль транспорты белән, һәм Шилун ст.  (Гуанчжоу провинциясе, КХРның көньягы).

 Далянь аша портларга кадәр товар илтеп җиткерүнең якынча бәясе  40-ф контейнер өчен 2600 АКШ долларын тәшкил итә, Шилунга кадәр ставка –  40-ф контейнер өчен 3200 АКШ доллары.  Рефрижератор вагонына ставкалар аерым исәпләнә.

Илтеп җиткерүнең транзит срогы 14 көн;  Ворсино терминалында йөк консолидациясе датасы  2017 елның 29 мартына кадәр. Экспедирование килешүенә   экспортер белән   «РЖД-Логистика» компаниясе  имзасын куя.

Кызыксынган эшмәкәрләрнең  нинди карарга килүләре турында  2017 елның 20 мартына кадәр  ТР экспортны яклау Үзәгенә  (843) 524-76-70 телефоны  яисә  tatexport@yandex.ru. электрон почтасы аша  хәбәр итүләре сорала. Хатта түбәндәге мәгълүматны хәбәр итәргә кирәк:  компаниянең исеме; йөкнең төре; тапшырылачак товарның күләме; йөкне җибәрүгә әзерлеге (сроклары).