2016 елның 15 декабрендә Татарстан Республикасы Икътисад министрлыгында республиканың кызыксынган министрлыклары катнашлыгында видеоконференция режимында Татарстан Республикасыннан Россия Федерациясе Федераль Җыены Федерация Советы әгъзасы Олег Морозов җитәкчелегендәге 16нчы эшче төркем утырышы узды.
Утырыш барышында «ИнноКам» территориаль аерымланган инновацияле-җитештерү үзәген төзү концепциясенең беренче чираттагы чараларын һәм проектларын гамәлгә ашыруның якынча нәтиҗәләре, һәм шулай ук республика моношәһәрләрен үстерү сораулары тикшерелде.