«Идея» Технопаркы резидентлары 5 млрд сумлык продукция җитештерделәр
Бүгенге көндә Технопаркта 105 резидент компания эшли.
«Идея» Технопаркы 2016 елның 9 аенда башкарылган эшләргә нәтиҗәләр ясады. Агымдагы елның 3 кварталында технопарк резидентлары тарафыннан барлыгы 5 млрд 357 млн сумлык товар җитештерелгән һәм хезмәтләр күрсәтелгән. Шулар арасында нанопродукция күләме - 1 млрд 285 млн сумлык. 2015 елның шул ук чоры белән чагыштырганда, җитештерелгән продукция күләме 46,3%ка үскән, ә нанопродукциянеке – 10,4%ка. Бүгенге көндә Технопаркта 105 резидент компания эшли, әлеге компанияләрдә 2 242 кеше хезмәт куя. Уртача хезмәт хакы – 38 253 сум, бу Татарстан буенча уртача хезмәт хакы дәрәҗәсеннән 28,6%ка зуррак (2016 елның гыйнвар-август өчен 29 741,4 сум).
«Идея» - Россиядә иң беренче технопаркларның берсе, аның ачылышы 2004 елның 5 февралендә булды. 2010 елда Технопарк республика салган инвестицияләр күләмен тулысынча аклады. 2015 елда Технопарк бишенче тапкыр Европа челтәрендә аккредитация үтте.