Артём Здунов яшь бизнесменнар – «Мәктәп бизнес-компанияләре» проекты вәкилләре белән очрашты

«Идел» Яшьләр үзәгендә Татарстан Республикасы Икътисад министрлыгы һәм «Росмолодёжь» Яшьләр эшләре буенча федераль агентлык ярдәме белән «Син – эшкуар» федераль программасы кысаларында уздырылган  «Мәктәп компанияләре. Уңышлы  старт»  семинары үзенең эшен төгәлләде.

Агымдагы елның 11-15 ноябре көннәрендә уздырылган семинар чаралары мастер-классларны, тренингларны, лекцияләрне, эксперт сессияләрен  һәм бизнесны планлаштыру, финанс планын төзү, командада эшли белү осталыгы һәм маркетинг буенча дәресләрне үз эченә алган иде.

14 ноябрь - дүшәмбе көнне яшь  бизнесменнар Татарстан Республикасы икътисад министры Артём Здунов белән очраштылар. Министрга эчке сайлап алу йомгаклары буенча иң яхшылары дип табылган мәктәп компанияләре  бизнес-презентацияләре күрсәтелде.