2016 ел башыннан бирле «Химград» Технополисы резидентлары 19,2 млрд сумлык продукция җитештергәннәр, бу узган елның шул ук чоры белән чагыштырганда 22%ка күбрәк. Күләмнәрнең шактыйга артуы шул исәптән нанотехнологик продукция җитештерү хисабына да башкарылган. 2016 елның өч кварталы йомгаклары буенча «Химград» резидентлары тарафыннан 3,2 млрд сумлык нанотехнологик продукция төяп-озатылган, бу 2015 елның өч кварталы нәтиҗәләре белән чагыштырганда 24%ка күбрәк.
«Химград» Технополисы территориясендә эшчәнлек алып баручы резидентлар саны - 268гә, ә хезмәткәрләрнең саны 7100 кешегә кадәр арткан.