Икътисадый үсеш министрлыгында милли чемпионнар өчен ментор программасын тикшерделәр
Статс-секретарь – РФ икътисадый үсеш министры урынбасары Олег Фомичев югары технологияле компанияләр - милли чемпионнар өчен ментор программасын эшләтеп җибәрүгә багышланган киңәшмә үткәрде.
Министр урынбасары игътибарны «Югары технологияле хосусый компания-лидерларга ярдәм» проектының шактый амбициоз булуына юнәлтте, аны гамәлгә ашыру 2020 елга Россиядә 10нан да ким булмаган санда югары технологияле хосусый компания формалаштыруга юнәлдерелгән. Әлеге компанияләрнең һәрберсенең сату күләмнәре - 500 млн доллардан да ким булмаска, ике компаниянеке 1 млрд доллардан да ким булмаска тиеш.
Киңәшмәдә катнашучылар шуны билгеләп үттеләр: тиз үсә торган компанияләр өчен менторлык идеясе бик мөһим булып тора, һәм хәзер әлеге программаны формалаштыру ысулларын тикшерергә кирәк.