Мәктәпкә җыенырга ярдәм итәбез
Инде традицион рәвештә яңа уку елы башланыр алдыннан Татарстан Республикасы Икътисад министрлыгында «Мәктәпкә җыенырга булыш» акциясе үтте. Әлеге чара кысаларында балалары беренче сыйныфка керүче әти-әниләр булган Министрлык хезмәткәрләренә, һәм шулай ук тулы булмаган гаиләләрдә өченче сыйныфка кадәрге бала тәрбияләүче хезмәткәрләргә финанс ярдәме күрсәтелде.
«Күп кенә балаларның тормышында тиздән яңа чор башлана – алар мәктәп бусагасын атлап керәчәк. Балалар өчен куанычлы әлеге вакыйга гаять җаваплы да — аларның әти-әниләре өчен. Беренче сыйныф укучыларына - укуларында уңышлар, ә аларның әти-әниләренә сабырлык телим, - дип билгеләп үтте Министрлыкның эшләр белән идарәчесе Рәис Шәрәфетдинов.
Финанс ярдәмен профсоюзлар кертемнәре хисабына башкару күз уңында тотылды.