PwC компаниясе вәкилләре белән киңәшмә уздырылды
Бүген Татарстан Республикасы Икътисад министрлыгында министр урынбасары Булат Хаҗиәхмәтов җитәкчелегендә PricewaterhouseCoopers (PwC) компаниясе белән киңәшмә оештырылды.
Анда PwC компаниясе исеменнән компаниянең партнеры, Санкт-Петербург шәһәрендә сделкаларны озатып йөрү буенча консалтинг бүлеге җитәкчесе Михаил Баженов, компания партнеры, Идел буе федераль округында PwC офисы җитәкчесе Денис Деревянкин, компания менеджерлары Виталий Мелешков һәм Юлия Зарубина, компаниянең Идел буе федераль округында дәүләт структуралары белән эшләү буенча координаторы Илсөя Шәрифуллина катнашты. Татарстан Республикасыннан юнәлешле министрлыклар һәм ведомстволар вәкилләре катнашты.
Киңәшмә кысаларында Татарстан Республикасында дәүләт-шәхси партнерлыгы (ДШП) механизмын гамәлгә ашыру сораулары тикшерелде. Шулай ук компаниянең ДШП проектларын гамәлгә ашыруда катнашу буенча финанс, салым һәм юридик консультант сыйфатындагы мөмкинлекләре тәкъдир ителде.