Республика КФҮндә эшкуарлар өчен «Кече һәм урта эшкуарлыкны үстерү буенча федераль корпорация» АҖ хезмәтләрен алу мөмкинлеге тудырылды

2016 елның августыннан Татарстан Республикасындагы КФҮнең барлык филиалларында («Минем документларым» офислары) тест режимында  «Кече һәм урта эшкуарлыкны үстерү буенча федераль корпорация» АҖнең түбәндәге хезмәтләрен күрсәтү оештырылды:

1. «Россия Федерациясендә кече һәм урта эшкуарлыкны үстерү турында»  209-ФЗ номерлы Федераль закон тарафыннан каралган, дәүләт һәм муниципаль милек исемлегенә кертелгән һәм өченче затлар хокукларыннан ирекле күчемсез милек турында бирелгән параметрлар буенча мәгълүмат җыю буенча хезмәт күрсәтү;
2. кече һәм урта эшкуарлык субъектларының товарлар, эшләр, хезмәт күрсәтүләрне, шул исәптән «Юридик затларның аерым төрләре тарафыннан товарлар, эшләр, хезмәт күрсәтүләрне сатып алу турында» 223-ФЗ номерлы Федераль законга ярашлы рәвештә РФ Хөкүмәте тарафыннан билгеләнгән  конкрет заказчыларның инновацияле һәм югары технологияле продукцияләрен сатып алуларда  катнашуын оештыру турында бирелгән параметрлар буенча мәгълүмат тапшыру буенча хезмәт күрсәтү;
3. бирелгән параметрлар буенча кече һәм урта эшкуарлык субъектларына финанс ярдәме формалары һәм шартлары турында мәгълүмат тапшыру буенча хезмәт күрсәтү.

 «Минем документларым» офисларының адреслары һәм эш режимы турындагы мәгълүмат түбәндәге сайтта урнаштырылган: https://uslugi.tatarstan.ru/mfc. Корпорация хезмәтләре турында өстәмә мәгълүматны  Корпорациянең рәсми сайтында алырга була: http://corpmsp.ru/