2016 елның гыйнвар-июнь айлары өчен Татарстан Республикасы муниципаль берәмлекләренең социаль-икътисадый үсеше рейтингы
Татарстан Республикасы Икътисад министрлыгы тарафыннан 2016 елның гыйнвар-июнь айлары өчен Татарстан Республикикасы муниципаль районнары һәм шәһәр округлары социаль-икътисадый үсешенең айлык рейтингы әзерләнде.
2016 елның гыйнвар-июнь айлары өчен гомуми рейтингта Казан шәһәре (1 урын), Әлмәт (2 урын) һәм Түбән Кама (3 урын) муниципаль районнары алдынгы урыннарда тора.
2016 елның гыйнвар-июнь айларында Әлки(+4 позиция) һәм Мамадыш (+3 позиция) муниципаль районнары рейтинг буенча иң зур уңай үзгәрешләргә ирештеләр. Әлеге үзгәрешләр кайбер күрсәткечләрнең яхшыруына бәйле: теркәлгән эшсезлек санының кимүе, салым һәм салым булмаган керемнәрнең үсеш темпларының көчәюе.
Әлеге чорда Ютазы һәм Балык Бистәсе (-3әр позиция) муниципаль районнарының рейтингтагы урыннары түбәнәюе күзәтелә. Әлеге тискәре үзгәрешләр кулланышка тапшырылган торак йортларның гомуми мәйданнары кимүгә, теркәлгән эшсезләр санының артуына бәйле.
Рейтинг белән тулырак министрлык сайтындагы «Социаль-икътисадый үсеш нәтиҗәләре һәм фаразлары» бүлегенең «Территориаль үсеш» бүлекчәсендә танышырга мөмкин.