Россия Федерациясе Мәгариф һәм фән министрлыгына караган югары белем бирү мәгариф оешмаларының студентлар берләшмәләре эшчәнлеген үстерү буенча 2017 елда гамәлгә ашырылырга тиешле программаларын сайлап алу конкурсын үткәрү турында

Россия Федерациясе Мәгариф һәм фән министрлыгының 2016 елның 15 июнендәге 713нче боерыгына ярашлы рәвештә,  Россия Федерациясе Мәгариф һәм фән министрлыгына караган югары белем бирү мәгариф оешмаларының студентлар берләшмәләре эшчәнлеген үстерү буенча 2017 елда гамәлгә ашырылырга тиешле программаларын сайлап алу конкурсы игълан ителә.

Конкурс югары белем бирү мәгариф оешмаларының студентлар берләшмәләре эшчәнлегенең нәтиҗәлелеген тәэмин итү максатларында түбәндәге өстенлекле юнәлешләр буенча оештырыла:

• фән һәм инновацияләр;
• һөнәри компетенцияләр;
• мәдәният һәм иҗат;
• спорт һәм сәламәт яшәү рәвеше;
• волонтерлык һәм социаль проектлау;
• тарихи-патриотик тәрбия;
• мәдәниятара диалог;
• мәгълүмати ресурслар;
• халыкара хезмәттәшлек;
• социаль стандартлар һәм студентларның хокуклары.
• Конкурста катнашу өчен гаризалар 2016 елның 1 августыннан 12 сентябренә кадәр кабул ителә.

Конкурсны үткәрү тәртибе һәм анда катнашу шартлары турында тулырак мәгълүмат белән Россия Федерациясе Мәгариф һәм фән министрлыгының рәсми сайтында таныша аласыз: (http://минобрнауки.рф/новости/8536).