Контракт системасы турында Федераль законга үзгәрешләр әзерләнде

Санкт-Петербург Закон чыгару Җыелышы тарафыннан әзерләнгән федераль закон проектында «Дәүләт һәм муниципаль ихтыяҗларны тәэмин итү өчен товарлар, эшләр, хезмәт күрсәтү өлкәсендә контракт системасы турында» Федераль законның 95 маддәсенә заказчы тарафыннан контрактны үтәүдән бер яклы тәртиптә баш тарту турында карарлар кабул итү тәртибен һәм нигезләрен үзгәртү өлешендә үзгәрешләр кертүне тәкъдим итә.

Закон проектына ярашлы рәвештә заказчы түбәндәге очракларда   бер яклы тәртиптә контрактны үтәүдән баш тарту турында карар кабул итәргә хокуклы (әгәр ул контрактта каралган булса):
1) контракт буенча товарлар китерүгә (тиешле булмаган сыйфаттагы товарлар китерү, комплектлы булмаган товарлар китерүне башкару, товарлар китерү срокларын берничә мәртәбә бозу очракларында);
2) контракт буенча эшләр башкаруга (әгәр подрядчы контрактта  билгеләнгән срокларда контрактны үтәүгә керешмәсә, әгәр эшләрне башкару вакытында контрактны үтәү шартлары бозылса, әгәр эшләрне башкару сроклары (периодлары) берничә мәртәбә бозылса); 
3) контракт буенча хезмәтләр күрсәтүгә (әгәр подрядчы контрактта билгеләнгән срокларда контрактны үтәүгә керешмәсә, әгәр эшләрне башкару вакытында контрактны үтәү шартлары бозылса, әгәр эшләрне башкару сроклары (периодлары) берничә мәртәбә бозылса).