Икътисад министрлыгы транспорт чараларын ягулык сыйфатында газ куллануга яңадан җиһазлау өчен субсидияләр бирү тәртибе турында фикер алышуга чакыра

Татарстан Республикасы Икътисад министрлыгы бизнес-берләшмәләр вәкилләрен закон чыгару инициативасының ачык консультацияләрендә катнашырга чакыра. 

Ведомство тарафыннан 2026 елның 8 июненнән башлап Татарстан Республикасы Министрлар Кабинетының “Мотор ягулыгы сыйфатында табигый газ (метан) куллануга транспорт чараларын яңадан җиһазлау эшләрен башкаручы юридик затларга һәм шәхси эшмәкәрләргә, әлеге эшләрне башкаручы затлар тарафыннан транспорт чаралары хуҗаларына ташламалар бирелүгә бәйле рәвештә алынмаган керемнәрне каплау максатларында Татарстан Республикасы бюджетыннан субсидияләр бирү тәртибен раслау турында” 21.06.2021 ел, № 484 карарына экспертиза үткәреләчәк.  

Экспертиза уздыруның максаты булып җайга салу максатларын эшләү һәм кабул итү барышында игълан ителгән максатларга ирешүне, хокукый җайга салуның тәкъдим ителгән ысулының нәтиҗәлелеген бәяләү, хокукый җайга салуның тәкъдим ителгән ысулының факттагы уңай һәм тискәре нәтиҗәләрен хокук куллану практикасын анализлау юлы белән бәяләү тора. 

Бизнес-берләшмәләр вәкилләрен һәм башка кызыксынган затларны күрсәтелгән норматив хокукый актка экспертиза кысаларында гавами консультацияләрдә катнашырга чакырабыз. Гавами консультацияләр үткәрү вакыты - 2026 елның 8 июненнән 2026 елның 7 июленә кадәр. 

Искәрмәләрне һәм тәкъдимнәрне Татарстан Республикасы Икътисад министрлыгының җайга салу йогынтысын бәяләү һәм конкуренцияне үстерү бүлегенә электрон почта аша җибәрүегезне сорыйбыз: EV.Filippova@tatar.ru.