Казанда 22нче Татарстан нефть-газ химиясе форумы уза
Татарстан нефть-газ химиясе форумы кысаларында 2015 елның 2-4 сентябре көннәрендә Казанда, «Казан ярминкәсе» күргәзмәләр үзәгендә, Идел буе федераль округының «Нефть, газ. Нефть химиясе 2015» XXII әйдәп баручы халыкара махсуслаштырылган күргәзмәсе уздырыла.
Күргәзмәдә «ИННОКАМ» Кама инновацияле территориаль-җитештерү кластерының коллектив экспозициясе куелган. Моннан тыш, 2 сентябрь көнне «Татнефтехиминвест-холдинг» ААҖндә ИННОКАМ вәкилләренең Белоруссия Республикасы делегациясе белән очрашуы оештырылды. Чара кысаларында алга таба хезмәттәшлек итү, нефть-газ химиясе продукцияләре тәэминаты өлешендә хезмәттәшлекне үстерү буенча Белоруссия-Татарстан эшче төркеме кысаларындагы эшне оештыру сораулары тикшерелде, һәм шулай ук эшлекле элемтәләр урнаштырылды, кластерда катнашучы предприятиеләрнең белорус компанияләре белән бәйләнешенең ихтимал булган юнәлешләре буенча фикер алышынды.