Кытай банклары Мәскәү - Казан югары тизлекле магистрале төзелешенә 250 миллиард сум акча бирергә әзер

2015 елның 1 апреле, чәршәмбе
Кытайның кайбер дәүләт банклары, шул исәптән Кытай үсеш банкы, Мәскәү - Казан югары тизлекле тимер юл магистрален төзүгә кредитлар рәвешендә 250 миллиард сум акча бирергә әзер, дип яза "Коммерсантъ" сөйләшүләр барышы белән таныш чыганакка сылтама белән.

"Тагын 50 миллиард сумны проект белән шөгыльләнәчәк компаниянең устав капиталына взнос рәвешендә "China Railway" бүлеп бирә. "Россия тимер юллары" ААҖ "China Railway"дән паритет нигездә уртак предприятие төзү турында тәкъдим алган, хәзерге вакытта сөйләшүләр бара", - дип өстәгән басма.

Шул ук вакытта, газета әңгәмәдәше билгеләп узганча, "China Railway" мөмкин кадәр күбрәк компонентларны читтән кертергә тели. Россия тимер юллары вәкиле басмага хәбәр иткәнчә, сөйләшүләрдә шулай ук "China Railway Eryuan Engineering Group" һәм "China Railway Signal and Communication Corp" та катнаша.

Югары тизлекле магистраль 1,07 триллион сумга бәяләнә, акчаның күп өлешен дәүләт бирергә тиеш. Әмма бюджеттан әлегә проект эшләренә 3,5 миллиард сум акча бүлеп бирелгән, проектны эшли башлау турында рәсми белдерү ясалмаган.
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International