«Татарстан Стратегиясе – минем Стратегиям!» Яшьләр бәйгесенең җиңүчеләре һәм призерлары игълан ителде

«Татарстан Стратегиясе – минем Стратегиям!» Яшьләр бәйгесенә йомгак ясау, призерларны бүләкләү, җиңүчеләрне игълан итү 2015 елның 28 мартында «Сәләт» йортында узды.
Чараны Халыкара яшьләр дипломатиясе академиясе башкарма директоры Дилбәр Садыйкова алып барды, ул бәйгенең тәмамлануын игълан итте һәм катнашучыларны килгән кунаклар белән таныштырды.
Татарстан Республикасы икътисад министры урынбасары Наталья Таркаева «Татарстан Стратегиясе – минем Стратегиям!» Яшьләр бәйгесендә катнашучыларга, призерларга һәм җиңүчеләргә бүгенге көндә эш сәфәрендә булган Татарстан Республикасы икътисад министры Артем Здунов исеменнән сәламләү сүзе белән мөрәҗәгать итте. Үзенең чыгышында ул актив катнашкан, иҗади якын килгән, кызыклы һәм җентекле эшләнгән проектлар өчен, һәм гомумән, Стратегия проектын формалаштыруга карата күрсәтелгән энтузиазм өчен рәхмәтен белдерде. (Татарстан Республикасы икътисад министры Артём Здунов мөрәҗәгатенең тулы тексты).
Аннан соң төп һәм өстәмә номинацияләрдә призлы урыннар алганнарга бүләкләр тапшыру тантанасы узды. Аларга бәйгене оештыручылардан дипломнар һәм Е.Т.Гайдар исемендәге Икътисадый сәясәт институтыннан китаплар тапшырылды. Моннан тыш, Яшьләр бәйгесе призерлары 2015 елның 11 апрелендә узачак абруйлы Calvert Forum чарасы эшендә катнашу мөмкинлеге алдылар. Призерларга чакыру кәгазьләрен Calvert Forumның Санкт-Петербург шәһәрендәге директоры Валерий Нечай тапшырды, үз чиратында ул форумның максатлары һәм бурычлары турында сөйләп үтте.
Оештыру комитеты карары белән бәйгедә җиңүчеләр дип табылдылар:
- «Кеше капиталы» юнәлеше буенча – Рамиль Ибраһимов, Айнур Абдулнасыйров, Ленар Вәлиев, Ринат Хөснетдинов кергән авторлык коллективы («StartUpTatarstan!» проекты);
- «Пространство-территориаль үсеш» юнәлеше буенча – Анна Федорович («Казан шәһәре мохитен гуманлаштыру концепциясе» проекты);
- «Икътисад» юнәлеше буенча – Булат Камаев, Айсылу Хәйруллина кергән авторлык коллективы («Казан шәһәре инфраструктурасына «Smart Grid» интеллектуаль электр челтәрләрен интеграцияләү» проекты).