Татарстан Республикасы икътисад министры Артём Здунов Россия Саклык Банкының «Татарстан Банкы» бүлекчәсе һәм «Mefro Wheels GmbH» арасында кредит шартнамәсен имзалауда катнашты

2014 елның 3 декабре, чәршәмбе
2014 елның 3 декабрендә «Россия Саклык Банкы» ААҖнең «Татарстан Банкы» бүлекчәсендә «Россия Саклык Банкы» ААҖнең 8610нчы «Татарстан Банкы» бүлекчәсе белән  «Mefro Wheels GmbH» арасында кредит шартнамәсен имзалау тантанасы узды.
Шартнамәгә «Мефро Уиллз Руссиа» ҖЧҖ генераль директоры, «Mefro Wheels» төркеме президенты Альфред Фишбахер һәм «Россия Саклык Банкы» ААҖнең 8610нчы «Татарстан Банкы» бүлекчәсе идарәчесе Рушан Сәхбиев кул куйдылар.
Имзалау тантанасы алдыннан уздырылган очрашуда Татарстан Республикасы икътисад министры Артём Здунов катнашты. Ул, катнашучыларны сәламләп, әлеге проектның Татарстан Республикасы өчен өстенлекле инвестицияле проект булуын билгеләп үтте, аны тормышка ашыру өчен финанс чараларын эзләү эшчәнлеге агымдагы елның гыйнварыннан актив рәвештә алып барылды: «Финанс базарларындагы вазгыять катлаулана барган саен, без нәтиҗәләргә тизрәк ирештек, базар үзе әлеге проектны нәкъ менә хәзер тормышка ашырырга кирәклеген таләп итә».
Проектның актуальлегенә басым ясап, Артём Здунов Татарстан Республикасы Хөкүмәте һәм Россия  Федерациясе Хөкүмәте тарафыннан сәнәгатьне үстерү буенча алып барылган эш турында искәртте. Татарстан икътисад министры болай дип билгеләп үтте: «Хәзерге вакытта «импортны алыштыру» дигәндә күзалланган төшенчә, иң беренче чиратта, «көндәшлеккә сәләтлелек» белән сыйфатлана, һәм бүген әлеге проектны гамәлгә ашыру өчен, салым яисә башка преференцияләргә ия булу максатында аны 2015 елга Татарстан Республикасы Инвестицияле меморандумына кертү  өчен бөтен мөмкинлекләр дә бар».
Шулай ук Артём Здунов гади булмаган әлеге икътисадый вазгыятьтә Mefro Wheels белән шартнамә мөнәсәбәтләренә ирешергә мөмкинлек биргән һөнәри осталыклары өчен, Россия Саклык Банкының  «Татарстан Банкы» бүлекчәсе коллективына рәхмәтен белдерде.
Альфред Фишбахер Татарстан Республикасы Президенты командасы эшенә югары бәя бирде. Ул әлеге проектны тормышка ашыруда республика җитәкчелегенең төп рольне уйнавын ассызыклады: «Россиядә Mefro Wheels өчен идеаль башлангыч ноктаны табарга, салымнарга, финансларга бәйле сорауларны хәл итәргә кирәк иде. Һәм Татарстан Республикасы Президенты Рөстәм Миңнехановның, республика Хөкүмәтенең актив ярдәме аркасында, Россия Федерациясе сәнәгать һәм сәүдә министры Денис Мантуровның, Россия Саклык Банкының хуплавы нәтиҗәсендә күп сораулар чишелеш тапты. Болар барысы бергә безнең өчен идеаль старт ноктасын тәшкил итте. Мин бик күп илләргә инвестицияләр керттем, тик бер илдә дә мондый һөнәри, компетентлы һәм бик кызыксынган җитәкчелекне, сәясәт белән генә түгел, сәнәгать үсеше сораулары белән дә кызыксынган җитәкчеләрне күргәнем булмады. Без, Германия инвесторлары, бернинди дә тышкы сәяси һәм тышкы икътисадый вазгыятькә карамастан, Россиядә ачык кызыксынган партнерларны таптык. Мин моны бик яхшы күренеш, дип саныйм».
Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Министрлык турында
Матбугат үзәге
Документлар
Кабул итү һәм мөрәҗәгатьләр
Адрес: 420021, Казан шәһәре, Мәскәү урамы, 55
Телефон: +7 (843) 222-90-60 (доб. 377) (приемная министра); +7 (843) 222-90-60 (доб. 370) (приемная заместителя министра, курирующего вопросы поддержки малого и среднего предпринимательства); +7 (843) 524–90–90 (горячая линия по вопросам развития и поддержки предпринимательства)
Факс: телефон для справок +7 (843) 222-88-21 (доб.419 или доб. 452)
Без социаль челтәрләрдә:
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International