2030 елга кадәрге Стратегияне эшләү кысаларында, табигать ресурсларын һәм әйләнә-тирә мохитне саклауны исәпкә алып, Татарстан Республикасының территориаль үсеше перспективалары тикшерелде

2030 елга кадәр Татарстан Республикасының Социаль-икътисадый үсеше стратегиясе проектын эшләү кысаларында 2014 елның 21 октябрендә Татарстан Республикасы Экология һәм табигать ресурслары министрлыгында «Табигать ресурслары» проект мәйданчыгы базасында «Татарстан Республикасының территориаль үсеше перспективалары» проект сессиясе узды. Чарада юнәлешле министрлыклар һәм ведомстволар вәкилләре катнашты.
Проект сессиясенең төп бурычы, табигать ресурсларын һәм әйләнә-тирә мохитне саклауны исәпкә алып, республика территорияләренең өстенлекле үсеш юнәлешләрен һәм перспективаларын билгеләү, Татарстан Республикасын пространство ягыннан планлаштыру структурасында «Идел-Кама агымы» экология зонасы проектының тулаем күзаллануын формалаштыру, шулай ук максат һәм бурычларга төгәллек кертү булды.
Проект сессиясе кысаларында Идел һәм Кама елгалары яр буйлары үсешенә, әлеге зонада гамәлдә булган проектларны башкару проблемаларына, шулай ук төбәкнең глобаль икътисадый үсеше факторы буларак табигатьтән нәтиҗәле файдалануга кагылышлы сораулар тикшерелде.