Министрлыкта узган видеоконференциядә кече һәм урта бизнесның эре компанияләрнең җитештерү һәм технологик чылбырларында катнашу технологиясен тикшерделәр

2014 елның 24 гыйнварында Татарстан Республикасы Икътисад министрлыгында видеоконференция форматында Россия Икътисадый үсеш министрлыгы, Россиянең инновацияле төбәкләре ассоциациясе, «Эшлекле Россия» иҗтимагый оешмасы һәм Россия Федерациясе субъектлары вәкилләре белән «Самара өлкәсе кече һәм урта эшкуарлыгы субъектларының көндәшлеккә сәләтлелеген күтәрү буенча проектларны гамәлгә ашыруда Фраунгофер институтларының уңай тәҗрибәсе» темасы буенча очрашу узды.