“Татспиртпром” ААҖ Директорлары советы утырышы

Бүген Казанда ТР Хөкүмәте Йортында ТР Премьер-министры Илдар Халиков рәислегендә “Татспиртпром” ААҖ Директорлары советының чираттагы утырышы булды. Утырышта Татарстан Республикасы Икътисад министрының беренче урынбасары Сәрия Сираҗиева катнашты.
Утырышта сүз 2013 нче елның 9 аенда “Татспиртпром” ААҖнең финанс-хуҗалык эшчәнлеге нәтиҗәләре, 2014 нче елга җәмгыятьнең бюджеты, “Татспиртпром” ААҖнең Энергияне сакчыл куллану программасы, 2014 нче елга Директорлар советының эшләү планын раслау турында барды, дип хәбәр итә ТР Президенты матбугат хезмәте.
Директорлар советы финанс директоры А.Каюмованың 2013 нче елның 9 аенда компаниянең финанс-хуҗалык эшчәнлеге нәтиҗәләре турында докладын тыңлады. 2013 нче елның 9 аенда алкоголь продукциясе производствосы күләме, үткән ел белән чагыштырганда, 33 процентка арткан һәм 6 226 мең декалитр булган. Производство планы 106 процентка башкарылган. 2013 нче елның 9 аенда филиаллардан һәм “Алкоторг” ҖЧҖ аша 6058 мең декалитр күләмендә “Татспиртпром” ААҖ продукциясе сатылган, бу үткән ел дәрәҗәсеннән 31 процентка күбрәк. Бу чорда алкоголь продукциясен РФ төбәкләренә җибәрү күләме үткән ел күрсәткеченнән 2,2 тапкырга күбрәк һәм 3737 мең декалитр тәшкил иткән.
2013 нче елның 9 аенда “Татспиртпром” ААҖнең спирт заводлары 1537 мең декалитр спирт җитештергән.
Әлеге чорда сәнәгать производствосы индексы 127 процент булган. 2013 нче елның 9 аенда продукцияне сатудан табыш 46 процентка арткан һәм 4,6 млрд сум булган.
Әлеге вакыт эчендә “Татспиртпром” ААҖ барлык дәрәҗәдәге бюджетларга 11,2 млрд сумлык салым һәм җыем күчергән.
9 айда ТРның консолидацияләнгән бюджетына 3,895 млрд сум килеп ирешкән.
2013 нче елның 9 аенда 264 млн сум күләмендә чиста табыш алынган.
Директорлар советы 2014 нче елга “Татспиртпром” ААҖнең бюджетын раслады. 2014 нче елга “Татспиртпром” ААҖ филиалларыннан һәм “Алкоторг” ҖЧҖ складларыннан 8961 мең декалитр алкоголь продукциясен сату планлаштырылган. Аларның 5352 мең декалитры – РФ төбәкләренә.
Алкоголь продукциясен җитештерү күләме 8500 мең декалитр тәшкил итәчәк. Спирт заводлары 2208 мең декалитр спирт җитештерергә планлаштыралар.
Сатылган продукциядән, хезмәт күрсәтүдән кергән табыш 7003 млн сум тәшкил итә.
“Татспиртпром” ААҖ барлык дәрәҗәдәге бюджетларга 19,6 млрд сум салым һәм җыемнар күчерергә планлаштыра. ТР ның консолидацияләнгән бюджетына 6,5 млрд сум күчереләчәк.
Чиста керем 478 млн. сум күләмендә формалаштырылган.
“Татспиртпром” ААҖ генераль директоры Гиоргий Куприянов “Татспиртпром” ААҖ Энергияне саклау программасы турындагы доклад белән чыгыш ясады. Директорлар советы программаны үтәү буенча чараларны дәвам итүгә күрсәтмә бирде.
Шулай ук утырышта “Татспиртпром” ААҖ Директорлар советының 2014 елга эш планы расланды.