Экспортка ярдәм итү үзәге экспортка йөз тоткан эшкуарларны Иран Ислам Республикасында узачак күргәзмәдә катнашырга чакыра

Иран Ислам Республикасы җитәкчелеге Россия белән икътисадый элемтәләрне үстерүгә аеруча зур игътибар бирә.

Россия белән Иран арасында үзара файдалы хезмәттәшлекне җайлауга ярдәм итү максатында Татарстан Республикасы Икътисад министрлыгына караган Татарстан Республикасы Экспортка ярдәм итү үзәге Тәһранда (Иран) Россия һәм БДБ илләре экспортерларының даими эшли торган күргәзмәсендә катнашырга ниятли.
Татарстан Республикасы Күргәзмәдә бердәм стендта күрсәтеләчәк.
Күргәзмәдә икътисадның төрле тармакларында экспортка продукция җитештерүче эшкуарлар катнаша ала.
Иран Ислам Республикасы белән элемтәләр урнаштыру, әлеге Күргәзмәдә катнашу белән кызыксынган очракта, сезне түбәндәге телефон буенча Экспортка ярдәм итү үзәгенә мөрәҗәгать итүегезне сорыйбыз: 8 (843)227-42-33.
Татарстан Республикасының коллектив стендын эшләргә кирәклеген искә алып, кызыксынган затларның агымдагы елның 31 декабренә кадәр мөрәҗәгать итүен сорыйбыз. Экспозицияне әзерләү буенча эш 2014 елның 1 гыйнварыннан башлана.
Күргәзмәдә катнаша башлауның якынча вакыты – 2014 елның 1 феврале. Ахыры – 2014 елның 1 апреле. Кирәк булган очракта, Күргәзмәдә катнашу вакыты озынайтылачак.
Сезне әлеге чарада катнашырга чакырабыз!
«Иран» эшлекле юлкүрсәткече.