Федераль ведомствоара эш төркеме Татарстанда “Яшел Үзән” МИЗны киңәйтүне хуплады

Бүген Рәсәй Федерациясе Хөкүмәте Рәисе урынбасары Александр Новак рәислегендә махсус икътисадый зоналарны булдыру һәм үстерү мәсьәләләре буенча ведомствоара эш төркеме утырышы йомгаклары буенча “Яшел Үзән” МИЗны киңәйтүне хуплау турында карар кабул ителде. Республикадан Татарстан Республикасы премьер-министры урынбасары - Татарстан Республикасы икътисад министры Мидхәт Шаһиәхмәтов катнашты.

Утырышта инновацияләр һәм югары технологияле җитештерүләр драйверына әверелергә тиешле «Яшел Үзән» МИЗ киңәйтү инициативасы тәкъдим ителде.

Технологик лидерлыкны тәэмин итү һәм биоикътисадны үстерү буенча милли өстенлекләрне гамәлгә ашыру кысаларында Татарстан сизелерлек ярдәм алды. Хәзер, федераль үзәк карары буенча, зона Түбән Кама районында 374,44 гектар җирне кушу хисабына яңа үсеш алачак. 

Сигез проект 299 миллиард сум күләмендә шактый инвестицияләр җәлеп итүне күздә тота. 1 841 эш урыны булдыру, бәясе 50 миллиард сумнан артып киткән заманча инфраструктураны үстерү, шулай ук 2035 елга кадәр 62,2 миллиард сум күләмендә салым потенциалын формалаштыру көтелә. 

Җитештерүләрнең шактый өлеше эчке һәм тышкы базарларга юнәлдереләчәк. 

Шулай итеп, “Яшел Үзән” МИЗын киңәйтү Татарстан позициясен ныгытачак һәм Рәсәйдә нефть-газ химиясенең, агросәнәгать комплексының һәм фәннең алдынгы казанышларын берләштерә торган биоикътисадны үстерү буенча куәтле үзәк булдыруга сизелерлек өлеш кертәчәк.