Татарстан бизнесы ИННОПРОМ-2026да тәэмин итүчеләр өчен В2В-сессиядә катнаша алачак

2026 елның 8 һәм 9 июлендә Екатеринбургта кече һәм урта бизнес белән тәэмин итүчеләр өчен сөйләшүләр сессиясе узачак - “Бизнес-очрашулар - анда контактлар контрактларга әверелә”. Чара ИННОПРОМ-2026 халыкара сәнәгать күргәзмәсендә компонентлар җитештерүчеләр форумы кысаларында узачак.

Вакыйганы “Нәтиҗәле һәм конкурентлы икътисад” милли проекты буенча Рәсәй Сәнәгать һәм сәүдә министрлыгы ярдәмендә КУЭ Корпорациясе оештыра. 

Чара B2B форматында турыдан-туры экспресс-сөйләшүләр сериясен күздә тота, алар кысаларында тәэмин итүчеләр үз продукциясен, инновацион эшләнмәләрне һәм сәнәгать хезмәтләрен эре компанияләрнең сатып алу бүлекчәләре вәкилләренә тәкъдим итә алачак.

Катнашуга җиһазлар, комплектлау әйберләре, чимал җитештерүче кече һәм урта бизнес субъектлары, шулай ук сәнәгать секторы өчен хезмәт күрсәтүчеләр чакырыла.

Сессиядә катнашучылар арасында эре предприятиеләр::

- “Трансмашходинг”

- БелАЗ

- СИБУР

- ТНТЗ-ТМК филиалы

- “Сбер Индия”

- “Роскосмос” һәм “Рубежи науки” гильдиясе

- Росатом РДС

- “Калашников” ДК

- “Газпромнефть – снабжение”

Шулай ук компонентлар җитештерүчеләр форумы кысаларында “Җитештерүләрне тоташтырып” пленар сессиясе узачак, аның барышында сәнәгать тармакларында импортны алмаштыру нәтиҗәләре һәм перспективалары, компонентлар җитештерүчеләр һәм эре индустриаль заказчылар арасында кооперацияне үстерү, югары технологияле сегментларда локализацияне киңәйтү, шулай ук үзебезнең компонентлар базасына ихтыяҗны стимуллаштыру турында фикер алышу булачак.

Теркәлү сылтама буенча мөмкин (күргәзмәдә һәм эшлекле программада катнашу өчен промокод-VFH2E2, теркәлү вакытында 29.06.2026 га кадәр гамәлдә). 

Форумда катнашуга гаризаны ИННОПРОМда катнашучының шәхси кабинетында бирергә мөмкин. Форум турында күбрәк мәгълүмат сайтта бар.

Республика бизнесына ярдәм итү чаралары турында Бердәм контакт-үзәк номеры 8 (843) 524-90-90 буенча белергә мөмкин.