Икътисад министрлыгы Социаль-хезмәт мөнәсәбәтләрен җайлау буенча республика өч яклы комиссиясенең эшче төркеме утырышында катнашты

2013 елның 4 ноябрендә Татарстан Республикасы Хезмәт, мәшгульлек һәм социаль яклау министрлыгында Татарстан Республикасы хезмәт, мәшгульлек һәм социаль яклау министрының беренче урынбасары, эшче төркем җитәкчесе Айрат Хәсәнов рәислегендә Социаль-хезмәт мөнәсәбәтләрен җайлау буенча республика өч яклы комиссиясенең (РТК) эшче төркеме утырышы узды.
Чарада РТК эшче төркеме әгъзалары һәм республика министрлыклары һәм ведомстволары вәкилләре катнашты. Татарстан Республикасы Икътисад министрлыгыннан утырышта Татарстан Республикасы Икътисад министрлыгының социаль өлкә тармаклары үсеше бүлеге башлыгы Наталья Прозорова катнашты.
Утырыш барышында түбәндәге мәсьәләләр каралды:
- 2014 елга «Татарстан Республикасында минималь хезмәт хакы турында» Республика килешүе проекты;
- 2013-2014 елларга Социаль-икътисадый сәясәт үткәрү һәм социаль партнерлыкны үстерү турында ТР Профсоюзлар федерациясе, ТР Эш бирүчеләр берләшмәләренең координацион советы, ТР Министрлар Кабинеты арасында республика килешүенә теркәлгән кушымтада китерелгән 2013-2014 елларга Татарстан Республикасы халкының тормыш дәрәҗәсенең төп социаль-икътисадый индикаторларына төгәллек кертү турында;
- 2014 елга РТК Эш планы проектына тәкъдимнәр турында.