Татарстан предприятиеләре инновацион продуктларны «үстереп бетерүгә» 700 млн сумга якын грант ярдәме алды
Татарстаннан дүрт компания эре заказчылар бурычлары буенча продукция җитештерүне эшләп бетерү һәм булдыру белән бәйле технологик проектларны финанслауга конкурс йомгаклары буенча 700 млн сумга якын грантка ия булды. Ярдәм «Нәтиҗәле һәм конкурентлы икътисад» илкүләм проектының «Технологияләр» федераль проекты кысаларында күрсәтелде.
«Инжиниринг һәм инновацияләргә ярдәм итү үзәге» коммерцияле булмаган автоном оешмасының «үстерү» программасы буенча 300 млн.сумнан артык керемле технология компанияләренә Россиянең эре корпорацияләре өчен компонентлар һәм комплектлау материаллары чыгару буенча проектларны гамәлгә ашыру өчен, шул исәптән импортны алмаштыру максатларында да, 250 млн.сумга кадәр грантлар бар. Конкурс «Технологияләр» федераль проекты кысаларында уздырыла, аның төп үзенчәлеге булып корпорацияләр тарафыннан гарантияләнгән проектларга финанс ярдәме тора.
Республиканың җиңүче предприятиеләре нефть һәм табигый газ чыгару һәм эшкәртү технологияләре, индустриаль программа тәэминаты эшләү һәм тимер юл транспорты өчен комплектлаучы детальләр чыгару өлкәсендәге проектлар белән шөгыльләнәләр.
Барлыгы 13 Россия компаниясе җитештерүне оештыруга һәм продукцияне эшләп бетерүгә грантлар алды, алар арасында күп өлеше кече технологик компанияләр реестрына керә. Проектлар буенча якорь заказчылары булып Газпром, Росатом, Россети, ОДК, «Синара-транспорт машиналары» һәм башка эре Россия корпорацияләре чыгыш ясады.
Бүгенге көндә грант программасы кысаларында Татарстан компанияләре 1,6 млрд сумнан артык акча җәлеп иткән, бу Россия Федерациясе буенча Мәскәүдән кала икенче нәтиҗә.
«Программа актуаль һәм технологик компанияләргә корпорацияләр белән бергәләп импортны алмаштыруга һәм технологик лидерлыкка ирешүгә юнәлдерелгән уртак проектларны гамәлгә ашырырга мөмкинлек бирә», – дип билгеләп үтте Татарстан Республикасы премьер-министры урынбасары – Татарстан Республикасы икътисад министры Мидхәт Шаһиәхмәтов.
Исегезгә төшерәбез, 2024 елның 16 февралендә Татарстан Республикасы Икътисад министрлыгының киң вәкиллекле утырышы кысаларында Татарстан Республикасы Хөкүмәте һәм хуҗалык эшчәнлегенә дәүләт һәм хосусый Россия корпорацияләрен кертү максатыннан технологик продуктлар әзерләү (эшләп бетерү, адаптацияләү) буенча гамәлгә ашырыла торган проектларны гамәлгә ашыручы «Инжиниринг һәм инновацияләргә ярдәм итү үзәге» коммерцияле булмаган автоном оешмасы арасында хезмәттәшлек турында килешү имзаланды. Татарстанда әлеге килешүнең кураторы – министрның беренче урынбасары – Эшкуарлыкны үстерү департаменты директоры Наталья Кондратова, ә Үзәк белән хезмәттәшлек өчен җаваплы оешма – «Татарстан Республикасының кластер үсеше һәм проект идарәсе үзәге» АКО. Грант программасында катнашуга гаризалар кабул итү 2025 елның 17 ноябренә кадәр дәвам итәчәк. Тулырак шартларны Үзәк сайтында карарга мөмкин: https://innosc.ru/grants.